ჩინეთის პრეზიდენტმა სი ძინპინმა განაცხადა, რომ ჩინეთ-ჩრდილოეთ კორეის ურთიერთობები ახალ ეტაპზე გადავიდა. ამის შესახებ მან 10 ივნისს ჩრდილოეთ კორეის ლიდერის, კიმ ჩენ ინისადმი მადლობის წერილში დაწერა.

„მოხარული ვარ წარმატებული ვიზიტით. ჩინეთ-კორეის ურთიერთობები უკვე ახალ ისტორიულ გზას ადგას“, - ციტირებს კორეის ცენტრალური საინფორმაციო სააგენტო (KCNA) წერილს.

აღნიშნულია, რომ შეხვედრის დროს ორმა ლიდერმა მნიშვნელოვან შეთანხმებებს მიაღწია, რომლებმაც ჩინეთსა და კორეას შორის ურთიერთობები ახალი მნიშვნელობით გაამდიდრა და ორივე მხარის მტკიცე გადაწყვეტილება აჩვენა, გააძლიერონ ტრადიციული მეგობრობა, ერთობლივად ხელი შეუწყონ განვითარებასა და კეთილდღეობას და უზრუნველყონ მშვიდობა და სტაბილურობა რეგიონში და მთელ მსოფლიოში.

სი ძინპინმა მადლობა გადაუხადა კიმ ჩენ ინს, ასევე ჩრდილოეთ კორეის პარტიას, მთავრობასა და ხალხს ჩინეთის დელეგაციისადმი თბილი დახვედრისთვის. ჩინეთის პრეზიდენტმა ასევე იმედი გამოთქვა კიმ ჩენ ინთან ახალი შეხვედრის შესაძლებლობის შესახებ და უსურვა ორ ქვეყანას შორის მეგობრული ურთიერთობების შემდგომი განმტკიცება.

ავტორი: ექსპრესნიუსი,

სოციალური ქსელები

საერთაშორისო გამჭვირვალობა - - ვახო სანაია ისჯება ბიძინა ივანიშვილისა და „ქართული ოცნების“ რეჟიმის მხილების, პრინციპული პოზიციისა და საქართველოს ევროპული მომავლისთვის ბრძოლის გამო

ზურაბიშვილი ვახო სანაიაზე - საქართველო მოსკოვის სცენარს სიტყვასიტყვით იმეორებს

საქართველოს ექსპორტი $6.1 მილიარდამდე გაიზარდა - პირველ ადგილზეა მსუბუქი ავტომობილები

ჟურნალისტ ვახო სანაიას სოციალურ ქსელში დაწერილი პოსტის გამო 30-დღიანი პატიმრობა შეუფარდეს