ერაყელმა სამხედროებმა "ისლამური სახელმწიფოს" "ციხიდან" 1,5 ათასი ადამიანი გაათავისუფლეს, - ამის შესახებ ინფორმაციას სააგენტო Middle East Eye პოლიციის პოლკოვნიკზე ფადელ ალ-ნიმრავზე დაყრდნობით ავრცელებს.

სააგენტოს ინფორმაციით, ერაყელმა სამხედროებმა ციხე მას შემდეგ აღმოაჩინეს, რაც ქალაქ ჰიტის ნაწილი დაიკავეს. ის მიწისქვეშ იყო განლაგებული.

აღსანიშნავია, რომ ქალაქი ჰიტი ანბარის პროვინციის ერთ-ერთი ყველაზე დიდი დასახლებული პუნქტია, რომელსაც "ისლამური სახელმწიფო" აკონტროლებს. ეს ქალაქი სტრატეგიულად ხელსაყრელ ადგილზეა, რადგან ასადის ავიაბაზასთან მდებარეობს.

ერაყმა ამ ქალაქის დასაბრუნებლად ფართო მასშტაბიანი იერიში დაიწყო. ოფიციალურმა ბაღდადმა "ისლამურ სახელმწიფოსთან" ბევრი საბრძოლო მოქმედება განახორციელა, რაც ტერორისტებისთვის საზიანო აღმოჩნდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საკრებულოების შუალედურ არჩევნებში მონაწილეობას მხოლოდ ოცნება და ლელო მიიღებს

ეკა კუპატაძე თამარ ბაჩალიაშვილის მშობლებს მხარდაჭერას უცხადებს

შიო III-მ უკრაინაში მოსკოვის საპატრიარქოს წარმომადგენელ მიტროპოლიტ ონოფრეს ინტრონიზაციის წლისთავი მიულოცა

ვიღაცა მაგრად თამაშობს - დადიანიძის დედა მისი შვილის სახელით გავრცელებულ FB-პოსტებზე