მოქალაქე ლაშა აბისონაშვილი ჟურნალისტებთან საუბარში ჰყვება, რას მოჰყვა გორში კონფლიქტი მის მეგობარსა და პოლიციელებს შორის, რის შედეგადაც, სამართალდამცველებმა მასზე ფიზიკურად იძალადეს. ის შემთხვევის ადგილზე თავადაც იმყოფებოდა. 

აბისონაშვილი ამბობს, რომ შელაპარაკება მას შემდეგ დაიწყო, რაც პოლიციელებმა ფეხით მიმავალ მის მეგობარს მანქანა "მიუშვეს". 

"არ ვიცი, რას ედავებოდნენ. სამსახურში ფეხით მიდიოდა, მანქანა "მიუშვეს" და ამას მოჰყვა შელაპარაკება. მაგრად სცემეს [...] მანქანა რატომ "მომიშვითო", ეგ უთხრა, ეგ ლაპარაკი იყო და ვსო. ყვირილზე რომ გამოვედი, მაგ დროს გაწევ-გამოწევა მიდიოდა [...] ვინც მოვიდა, ყველამ სცემა [...] დამხმარეები რომ გამოიძახეს, ვინც მოვიდა, ყველამ ძალა იხმარა [...] ჩემმა მეგობარმა მითხრა, მანქანა მომიშვა და ხელი გამომიქნიაო. ალბათ, მან უთხრა რას აკეთებო და აქედან გამომდინარე...აქამდე მას კანონთან რაიმე პრობლემა არ ჰქონია. პოლიციელებს უთხრა, საქართველოს ბანკში ვმუშაობ, ადვოკატს დავურეკავო და ამაზე უფრო გააგრესიულდნენ". - ამბობს შემთხვევის მოწმე ლაშა აბისონაშვილი. 

ერთ-ერთი პოლიციელის მიერ გავრცელებულ ინფორმაციაზე აბისონაშვილი ამბობს, რომ ტყუილია, თითქოს მის მეგობარს ცივი იარაღი ჰქონდა.

ლასა აბისონაშვილის განცხადებით, ის მისი მეგობრისა და პოლიციელების გაშველებას ცდილობდა, რა დროსაც, მისივე თქმით, სამართალდამცველებმა თავადაც სცემეს. 

"ვაშველებდი და დამხმარე ძალა რომ გამოიძახეს, მერე მეც მცემეს [...] დაზიანებები ფეხზე და თავზე მაქვს [...] შეურაცხყოფაც მომაყენეს. მაგინებდნენ, გაა*ვი აქედანო, საერთოდ არ დაგინახოთო". - ამბობს აბისონაშვილი.

ლაშა აბისონაშვილი ამბობს, რომ პოლიციელებს ის თავად არ დაუკავებიათ, თუმცა შემთხვევის ადგილიდან გაიყვანეს.

პროკურატურის განცხადებით, პოლიციელების მხრიდან ძალადობით უფლებამოსილების სავარაუდო გადამეტების ფაქტზე გამოძიება დაიწყო.

ავტორი: ექსპრესნიუსი,

სოციალური ქსელები

რუსეთის საარჩევნო კომისია, საზღვარგარეთ მცხოვრებ რუსებს არჩევნებში მონაწილეობის მიღებას აუკრძალავს, ივანიშვილის რეჟიმმა პუტინს ნახევარი წლით დაასწრო

კობახიძე ოკუპირებულ აფხაზეთში საწვავის შეტანაზე- ჩვენთვის მიზანი არა ფულის შოვნა, არამედ ნდობის აღდგენა იყო

კობახიძე- თეორიულადაც ვერ წარმომიდგენია, რატომ შეიძლება შეექმნას ღარიბაშვილის ოჯახს საფრთხე

„სოლიდუსი“ ოკუპირებული აფხაზეთის მომარაგებისთვის ბენზინს ეძებს