რასა იუკნევიჩიენე: ახლა საქართველო ყველაზე ცუდ კანდიდატებს შორისაა

2026-05-05 14:57:28, 4388 ნახვა

პოლიტიკა

ახლა საქართველო ყველაზე ცუდ კანდიდატებს შორისაა - ამის შესახებ ევროპარლამენტარმა, რასა იუკნევიჩიანემ ევროპარლამენტის საგარეო საქმეთა კომიტეტზე საქართველოს შესახებ ანგარიშის მიღების შემდეგ უკვე მედიასთან განაცხდა.

ევროპელი პოლიტიკოსი ამბობს, რომ არცერთ კანდიდატ ქვეყანას არ მიუღია ასეთი ცუდი შეფასება ევროკომისიისგან წევრობისკენ მიმავალ გზაზე პროგრესის თვალსაზრისით, როგორც საქართველოს მიიღო.

იუკნევიჩიანე, რომელიც დოკუმენტის ავტორია, ამბობს, რომ საერთოდ არ უხარია, რომ ანგარიშში საქართველოს შესახებ მკაცრი სიტყვების ჩაწერა მოუწია.

მე არ ვარ ამ დოკუმენტის ერთადერთი ავტორი. მე ვარ მომხსენებელი EPP-ის სახელით, მაგრამ სხვა ჯგუფების წარმომადგენლებს, რომლებიც ასევე პასუხისმგებელნი არიან ამ ანგარიშზე, ხშირად ჩემზე უფრო მკაცრი მოსაზრებებიც კი ჰქონდათ საქართველოში არსებულ ვითარებაზე. ვფიქრობ, ძალიან დამეხმარა ის ფაქტი, რომ ხუთი ძირითადი პოლიტიკური ჯგუფი მუდმივად ერთ აზრზე ვიყავით. ამან გამიადვილა ყველა იმ ხანგრძლივი პროცედურის გავლა, რაც ამას თან ახლდა. თუმცა, გულწრფელად გეტყვით, საერთოდ არ ვარ ბედნიერი. არ მიხარია, რომ ასეთი მკაცრი სიტყვების ჩაწერა მოგვიწია საქართველოს შესახებ ქვეყნის, რომელსაც, როდესაც მომხსენებლად დავინიშნე, იმედი მქონდა, რომ დავეხმარებოდი წინსვლაში. მით უმეტეს ამ დრამატულ დროს, როდესაც შესაძლებლობების ფანჯარა გაიხსნა. უკრაინელებმა გახსნეს ეს ფანჯარა ბევრი კანდიდატი ქვეყნისთვის და ახლა საქართველო ყველაზე ცუდ კანდიდატებს შორისაა. არცერთ კანდიდატ ქვეყანას არ მიუღია ასეთი ცუდი შეფასება ევროკომისიისგან წევრობისკენ მიმავალ გზაზე პროგრესის თვალსაზრისით.

საგარეო საქმეთა კომიტეტმა მხარი დაუჭირა კომპრომისულ შესწორებას, სადაც პროსახელისუფლებო არხების, TV იმედის, რუსთავი 2-სა და Pos TV-ის დასანქცირებას ითხოვენ.

იუკნევიჩიანე ამბობს, რომ ისევე როგორც დაიბლოკა ან აღარ მაუწყებლობენ "რაშა თუდეი" ან "სპუტნიკი", დასახელებულმა მედია საშალებებმაც იგივე ბედი უნდა გაიზიარონ.

ის გამოცემები, რომლებიც ტვინის გამორეცხვის შინაარსს ავრცელებენ, არ არიან მედია, თუმცა ისინი მაინც აგრძელებენ მუშაობას - უთრა ჟურნალისტებს ევროპარლამენტარმა.

თავისუფალი მედია დემოკრატიისთვის ფუნდამენტურად მნიშვნელოვანია. წარმოუდგენელია დემოკრატია თავისუფალი მედიის გარეშე. ყველა ავტოკრატი და დიქტატორი საკუთარი ავტოკრატიული იმპერიის მშენებლობას სწორედ მედიით იწყებს. თქვენ იცით, რაც მოხდა საქართველოში, ამიტომ ჩვენ ნამდვილად გამოვხატეთ ჩვენი შეშფოთება.

მიუღებელია, რომ ისეთი პლატფორმები, რომლებიც რეალურად არც არიან მედიასაშუალებები, უნდა გვესმოდეს, რას ნიშნავს მედია , როცა მედიაზე ვსაუბრობ, ვგულისხმობ დემოკრატიულ მედიას. ის გამოცემები, რომლებიც ტვინის გამორეცხვის შინაარსს ავრცელებენ, არ არიან მედია, თუმცა ისინი მაინც აგრძელებენ მუშაობას პარლამენტში. ჩვენ არაერთხელ მივაპყარით ჩვენი ხელმძღვანელობის ყურადღება იმას, რომ ეს მიუღებელია. ისევე როგორც დაიბლოკა ან აღარ მაუწყებლობენ რაშა თუდეი ან სპუტნიკიი, ვფიქრობ, ეს გამოცემებიც, სამწუხაროდ, პროპაგანდისტული არხებია და არა მედიასაშუალებები", - განაცხადა რასა იუკნევიჩიანემ.