„ივანიშვილმა, რომელმაც დიპლომის გარეშე „პრეზიდენტი“ დანიშნა, დიპლომის არქონის გამო ნამდვილ გმირსა და წმინდანს, ეპისკოპოს ისაიას (ზურაბ ჭანტურია) არჩევნებში მონაწილეობის უფლება არ მისცა“, - დაწერა საქართველოს მესამე პრეზიდენტმა, მიხეილ სააკაშვილმა Facebook-ზე.

„ძალიან გაკვირვებული ვარ მედიით, რომელიც ასე აქტიურად აშუქებს ე.წ. პატრიარქალური „არჩევნების“ ირგვლივ მიმდინარე რუსულ სპეცოპერაციას, თითქოს ეს რეალური პროცესი იყოს და ინტრიგა ჯერ კიდევ ცოცხალი იყოს.

ამ „არჩევნების“ სცენარი დიდი ხნის წინ დაიწერა ლუბიანკაში და ინსტრუქციები გადაეცა ივანიშვილს და მის აგენტებს ეკლესიაში.

სახელმწიფოს ჩამორთმევის შემდეგ, გასაკვირია, რომ ეკლესიის ჩამორთმევით კვლავ გაკვირვებულები ვართ. როგორც მათი უფროსი რუსი თანამებრძოლები ამბობენ: „როცა თავს კარგავ, თმაზე არ ტირი.“

ეს სპეცოპერაცია დაიწყო პოლკოვნიკ ლევან ვასაძის მიერ ცხრა წლის წინ გაჟღერებული რეკომენდაციით და სრულდება გენერალ კირილ გუნდიაევისა და რუსული საგარეო დაზვერვის პირდაპირი და ღია ჩარევით...

შემდეგი ეტაპი იქნება ივანიშვილის გეგმის განხორციელება - ეკლესიის სახელმწიფო რელიგიად გამოცხადება, რასაც ილია მეორე ბოლომდე ეწინააღმდეგებოდა, და მისი ოფიციალური დაქვემდებარება რეჟიმისთვის.

არა უშავს, ჩვენ გავათავისუფლებთ საქართველოს და ეკლესიაც მოიპოვებს თავისუფლებას“, - წერს სააკაშვილი.

ავტორი: ექსპრესნიუსი,

სოციალური ქსელები

სუს: 2025 წლის 17 აგვისტოს სოფელ პერევის მიმდებარედ უკანონოდ დაკავებული საქართველოს მოქალაქე თავისუფალია

პუტინი: ჩვენს ინფრასტრუქტურაზე კიევის იერიშები ზიანს იწვევს, თუმცა ეს კრიტიკული ვერ იქნება

დუმის არჩევნების შემდეგ მობილიზაციის შესახებ ხმების ფონზე, რუსები საქართველოს საზღვარზე რიგში ჩადგნენ - რუსული მედია

გარემოსდაცვითი ზედამხედველობის დეპარტამენტი ავტომობილების დაჯარიმების თაობაზე მოქალაქეებს თაღლითური SMS-ების შესახებ აფრთხილებს