ლელო-ძლიერი საქართველოს გენერალური მდივნის, ირაკლი კუპრაძის განცხადებით, ქართულმა ოცნებამ საერთაშორისო კომპანიასთან ახალი კონტრაქტი გააფორმა, რომლის მიხედვითაც, მისივე თქმით, უნდა გადაიხედოს ანაკლიის პორტის აშენების მიზნობრიობა. 

"ივანიშვილი და მისი ანტიქართული ოცნება ანაკლიის ეროვნულ პროექტს კლავს. ანაკლია ივანიშვილის პირობებში საფრთხეშია [...] 2026 წლის 24 აპრილს, ანტიქართულმა ოცნებამ და მისმა ეკონომიკის სამინისტრომ საერთაშორისო საკონსულტაციო კომპანიასთან ახალი ხელშეკრულება გააფორმა, რომლის მიხედვით, ივანიშვილი აპირებს, საერთოდ გადახედოს ანაკლიის პორტის ღირებულებას, მნიშვნელობას, გენერალურ გეგმას, ე.წ. მასტერპლანს [...] 

ამ ახალი გარემოებების გათვალისწინებით, პირდაპირ ისმის კითხვა: რა საჭიროა იმ პროექტის გადახედვა, რომლის ეროვნული ღირებულება, სტრატეგიული მნიშვნელობა და ეკონომიკური სარგებლიანობა ქართულმა საზოგადოებამ ძალიან კარგად იცის [...] ამ ახალი დოკუმენტების მიხედვით, რომელიც საჯაროდ გამოქვეყნდა, კიდევ ერთხელ დასტურდება ივანიშვილის მიზანი, რომ ანაკლიის პორტი არ აშენდეს. ამაზე პასუხისმგებლობა პერსონალურად ბიძინა ივანიშვილს ეკისრება". - თქვა კუპრაძემ.

ავტორი: ექსპრესნიუსი,

სოციალური ქსელები

სუს: 2025 წლის 17 აგვისტოს სოფელ პერევის მიმდებარედ უკანონოდ დაკავებული საქართველოს მოქალაქე თავისუფალია

პუტინი: ჩვენს ინფრასტრუქტურაზე კიევის იერიშები ზიანს იწვევს, თუმცა ეს კრიტიკული ვერ იქნება

დუმის არჩევნების შემდეგ მობილიზაციის შესახებ ხმების ფონზე, რუსები საქართველოს საზღვარზე რიგში ჩადგნენ - რუსული მედია

გარემოსდაცვითი ზედამხედველობის დეპარტამენტი ავტომობილების დაჯარიმების თაობაზე მოქალაქეებს თაღლითური SMS-ების შესახებ აფრთხილებს