ბელარუსის რესპუბლიკის ელჩმა ნიკოლაი როგაშჩუკმა და რუსეთის ინტერესების სექციის ხელმძღვანელმა დმიტრი ოლისოვმა, დიპლომატიური წარმომადგენლობების თანამშრომლებთან და მათი ოჯახის წევრებთან, ასევე საქართველოში არსებულ პროექტ "მეხსიერების მატარებლის" მონაწილეებთან და თანამემამულეებთან ერთად მონაწილეობა მიიღეს კუკიის სასაფლაოზე მდებარე სამხედრო მემორიალის ტერიტორიის კეთილმოწყობაში.

ინფორმაციას ამის შესახებ საქართველოში შვეიცარიის საელჩოს რუსეთის ინტერესთა სექცია ავრცელებს. სექციის განცხადებით რუსეთისა და ბელორუსის დიპლომატიურმა წარმომადგენლებმა კუკიის სასაფლაო 9 მაისს მეორე მსოფლიო ომში გამარჯვების 81-ე წლისთავის მოახლოების გამო დაასუფთავეს.

"საბჭოთა მებრძოლთა სამარხების ადგილებზე წესრიგისა და სისუფთავის ერთობლივად შენარჩუნება ჩვენი საერთო ვალია. ეს არა მხოლოდ გმირების ხსოვნისადმი პატივისცემის გამოხატულებაა, რომლებმაც საკუთარი სიცოცხლის ფასად დაიცვეს მშვიდობა და გვიხსნეს ჩვენ და ჩვენი შთამომავლები XX საუკუნის "ყავისფერი ჭირისგან", არამედ ისტორიული სიმართლის შენარჩუნების მნიშვნელოვანი ასპექტიცაა" - ნათქვამია რუსეთის ინტერესთა სექციის განცხადებაში.

ავტორი: ექსპრესნიუსი,

სოციალური ქსელები

კინოპროდიუსერი და კინოთეატრების ქსელ კავეას ხელმძღვანელი ოთარ ბუბაშვილი გარდაიცვალა

მარინ ლეპენი დემოკრატიის საფრთხის შესახებ აფრთხილებს და მაკრონის მთავრობას აკრიტიკებს

ფასების ზრდის წინააღმდეგ საპროტესტო აქციები: მილანში 50 ადამიანი დააკავეს, შეტაკებები ტურინსა და ბოლონიაშიც

თურქ მომღერალ ილიას იალჩინტაშს ნარკოტიკებთან დაკავშირებულ საქმეში მინიმუმ 10 წლით თავისუფლების აღკვეთა ემუქრება