კახა კალაძე საქართველოში უკრაინის საქმეთა დროებით რწმუნებულს, დმიტრო ბერეჟნის შეხვდა. ამის შესახებ ინფორმაციას ავრცელებს უკრაინის საელჩო საქართველოში.

საელჩო წერს, რომ შეხვედრაზე განიხილეს ის საკითხები, რომლებიც ქართველებს და უკრაინელებს აერთიანებს, კერძოდ, ქართული მხარის უკრაინელებისთვის გაწეული დახმარება რუსეთის მიერ ომის დაწყების პირველივე დღიდან. ისინი მადლიერები არიან მხარდაჭერისთვის.

"საქართველოში უკრაინის საქმეთა დროებითი რწმუნებული დმიტრო ბერეჟნი შეხვდა პარტია ქართული ოცნება - დემოკრატიული საქართველოს გენერალურ მდივანს, თბილისის მერს, კახაბერ კალაძეს.

შეხვედრის დროს განიხილეს საკითხების ფართო წრე, რომლებიც აერთიანებს უკრაინელ და ქართველ ხალხებს, კერძოდ, ქართული მხარის უკრაინელებისთვის გაწეული დახმარება რუსეთის ფედერაციის მიერ უკრაინის ტერიტორიაზე ფართომასშტაბიანი შეჭრის პირველივე დღიდან.

მათ გაიხსენეს სკოლები, საბავშვო ბაღები, საავადმყოფოები, მუზეუმები და სხვა საჯარო დაწესებულებები, რომლებმაც კარი გააღეს და უფასოდ გასწიეს მომსახურება. ისაუბრეს საქართველოს რიგითი მოქალაქეების ჩვეულებრივ ადამიანობაზე, რომლებმაც სითბოთი და მზრუნველობით შეიფარეს უკრაინელი ოჯახები, რომლებმაც ერთ წამს დაკარგეს ყველაფერი, რაც უყვარდათ და რასაც აფასებდნენ - სახლი, ცხოვრების წესი, მშვიდობა და საკუთარ მიწაზე ცხოვრების სურვილი.

არის რაღაცეები, რისი დავიწყება შეუძლებელია, და არის რაღაც, რაც ყოველთვის გააერთიანებს უკრაინელ და ქართველ ხალხებს. სამწუხაროდ, ტკივილიც ჩვენ საერთო გვაქვს. ომი არაერთხელ მოსულა მეგობარ ქართულ მიწებზეც, რამაც გამოიწვია განადგურება, ნგრევა და ტერიტორიების დროებითი დაკარგვა. ეს ყველაფერი გვაერთიანებს, გვაძლევს ძალას, გვაძლევს ძალას გავაგრძელოთ ბრძოლა და დავიბრუნოთ ჩვენი - სხვისას არასდროს არ შევხებივართ.

ჩვენ გულწრფელად მადლიერები ვართ კ. კალაძის და ქართველი ხალხის უკრაინის მხარდაჭერისთვის ჩვენი სახელმწიფოსთვის რთულ დროს, უკრაინელი ხალხის სულისკვეთების მხარდაჭერისთვის, როდესაც თბილისის სატელევიზიო ანძა უკრაინის ეროვნული დროშის ფერებში განათდა, ასობით დროშისთვის, რომლებიც დღემდე ფრიალებს საცხოვრებელი შენობების აივნებზე, საგანმანათლებლო და საბანკო დაწესებულებების ფლაგშტოკებზე.

სწორედ ასეთი მხარდაჭერა ახლა ჩვენთვის ძალიან მნიშვნელოვანია." - ნათქვამია განცხადებაში.

ავტორი: ექსპრესნიუსი,

სოციალური ქსელები

ევროპის საბჭოს გენერალური მდივანი - ევროპა ოპოზიციის აკრძალვის შესახებ მოსმენების წინ, დააკვირდება ყველა მოქალაქის ფუნდამენტური უფლებებისა და თავისუფლებების დაცვას

დიდი ბრიტანეთი საუდის არაბეთში ჰუსიტების თავდასხმებისგან დასაცავად Typhoon-ის გამანადგურებლებს გაგზავნის

პენიტენციური ამტკიცებს რომ დავით ფეიქრიშვილმა მინები ჩაამტვრია და თვითდაზიანება სცადა, პატიმრებს დეზორგანიზაციისკენ მოუწოდებდა

ივანიშვილის წარმომადგენელი კობახიძე ოპოზიციურ პარტიებს ჰიტლერს ადარებს და მათი აკრძალვის აუცილებლობაზე საუბრობს