აზერბაიჯანის თავდაცვის სამინისტრო განცხადებას ავრცელებს და აცხადებს, რომ შეიარაღებული ძალების გენერალური შტაბის მიერ დღეს აზერბაიჯანის წინააღმდეგ დრონებით მიტანილი იერიშის უარყოფა სრულიად მიუღებელია.

"ტექნიკური საშუალებებით დადასტურდა, რომ ირანის ისლამური რესპუბლიკის შეიარაღებულმა ძალებმა აზერბაიჯანის ნახიჩევანის რეგიონზე თავდასხმის მიზნით ოთხი უპილოტო საფრენი აპარატი მიმართეს. მათგან ერთი აზერბაიჯანის არმიამ გაანეიტრალა, ხოლო დანარჩენებმა სამოქალაქო ინფრასტრუქტურა მიზანში ამოიღეს, მათ შორის საშუალო სკოლის შენობა გაკვეთილების მიმდინარეობის დროს. საბედნიეროდ, სკოლაზე მიმართული დრონი მიზანს ვერ მიაღწია და სკოლასთან ახლოს ჩამოვარდნის შემდეგ აფეთქდა", - აცხადებს სამინისტრო განცხადებაში.

ირანის თავდაცვის უწყება მოელის, რომ ირანის ისლამური რესპუბლიკის შეიარაღებული ძალები "დაუყოვნებლივ შეწყვეტენ ამ აშკარა ფაქტის უარყოფას, ბოდიშს მოიხდიან მომხდარი ინციდენტის გამო და შესაბამისი ირანული უწყებები პასუხისმგებელ პირებს დასჯიან".

5 მარტს დილას აზერბაიჯანულმა მედიამ დაწერა, რომ ირანმა აზერბაიჯანში ნახიჩევანის აეროპორტზე დრონებით იერიში მიიტანა - ირანული დრონები ჩამოვარდა რამდენიმე სხვა ლოკაციაზეც, მათ შორის ერთ-ერთ სკოლასთან ახლოს.

აზერბაიჯანის საგარეო საქმეთა სამინისტრომ განაცხადა, რომ შემთხვევის შედეგად დაშავდა 2 ადამიანი.

ამასთან, საგარეო უწყებამ თქვა, რომ ეს თავდასხმა "ეწინააღმდეგება საერთაშორისო სამართლის ნორმებსა და პრინციპებს და ხელს უწყობს რეგიონში დაძაბულობის ზრდას".

აზერბაიჯანის საგარეო უწყების თანახმად, "აზერბაიჯანული მხარე იტოვებს უფლებას, მიიღოს შესაბამისი საპასუხო ზომები".

ირანმა იერიში უარყო და ქვეყნის საგარეო საქმეთა მინისტრის მოადგილემ თქვა, რომ ირანი "მეზობელ ქვეყნებს არ უმიზნებს".

ავტორი: ექსპრესნიუსი,

სოციალური ქსელები

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times

ევროპის საბჭოს გენერალური მდივანი - ევროპა ოპოზიციის აკრძალვის შესახებ მოსმენების წინ, დააკვირდება ყველა მოქალაქის ფუნდამენტური უფლებებისა და თავისუფლებების დაცვას

დიდი ბრიტანეთი საუდის არაბეთში ჰუსიტების თავდასხმებისგან დასაცავად Typhoon-ის გამანადგურებლებს გაგზავნის