OpenAI-მ დაბლოკა ChatGPT-ის ანგარიშები, რომლებიც რუსულ პროპაგანდისტულ ქსელ Rybar-თან იყო დაკავშირებული.

OpenAI-ის მიერ გამოქვეყნებული დოკუმენტის მიხედვით, აღნიშნული ქსელი ChatGPT-ს Rybar-ისა და სხვა თითქოს მათთან დამოუკიდებელ ანგარიშებზე სოციალურ მედიაში გამოსაქვეყნებელი პოსტებისა და კომენტარების გენერირებისთვის იყენებდა.

კომპანიის ანგარიშში ნათქვამია, რომ დაბლოკილი მომხმარებლები ChatGPT-სთან რუსულად ურთიერთობდნენ, თუმცა კონტენტს მრავალ ენაზე, მათ შორის ესპანურად და ინგლისურად, ამზადებდნენ. ასევე, პროპაგანდისტები OpenAI-ის ვიზუალური გენერირების მოდელის Sora-ს გამოყენებით ცრუ ვიდეოებს ამზადებდნენ. ანგარიშში ნათქვამია, რომ პროპაგანდისტული მასალები "აქებდნენ რუსეთს და მის მოკავშირეებს, აკრიტიკებდნენ უკრაინას და დასავლეთის ქვეყნებს საგარეო ჩარევაში ადანაშაულებდნენ".

დოკუმენტის მიხედვით, ერთ-ერთმა დაბლოკილმა ანგარიშმა საინფორმაციო და ფსიქოლოგიური ოპერაციების გეგმების შექმნა მოითხოვა, რომლებიც მიზნად აფრიკაში პოლიტიკურ ცხოვრებასა და არჩევნებში ჩარევას ისახავდა. მონაცემები მიუთითებს, რომ პროპაგანდისტები ქვეყნებში აგენტების ქსელს ქმნიდნენ და მასშტაბურ ღონისძიებებსა და პროტესტებს გეგმავდნენ. მათი კამპანიები მიმართული იყო კონგოს დემოკრატიული რესპუბლიკის, კამერუნის, ბურუნდისა და მადაგასკარის წინააღმდეგ.

ავტორი: ექსპრესნიუსი,

სოციალური ქსელები

საფრანგეთის ქალაქ ლიმოჟში, არეულობის დროს ხანძრის შედეგად, მე-19 საუკუნის მერიის კოშკი ჩამოინგრა

„ლინდსი შოკირებული იქნებოდა“ - რესპუბლიკელები ტრამპს რუსეთისთვის სანქციების შესახებ გადაწყვეტილების გამო აკრიტიკებენ

კობახიძე მედიას ცენზურას აქტიურად აგრძელებს და მედიასაშუალებებს სამართლებრივი დევნით ემუქრება

ქართული ოცნება – ივანიშვილმა შეაჯამა წარსულში გუნდში არსებული კორუფციული გამოწვევები და აღნიშნა, რომ პრემიერის, გუნდისა და ძალოვანი სისტემის ეფექტური მუშაობა