საქართველოში კვალიფიციური კადრების დეფიციტი პრობლემად რჩება - ამის შესახებ კვლევას ბიზნესასოციაცია აქვეყნებს. 

თქვენი აზრით, რომელი ფაქტორები განაპირობებს [სამუშაოს მაძიებელ] აპლიკანტთა არასაკმარის რაოდენობას? - ეს კითხვა საქართველოს ყველაზე მსხვილი ბიზნესასოციაციის წევრ კომპანიებს BAG ინდექსის IV კვარტალის კვლევისას დაუსვეს. 

გამოკითხული კომპანიების 62%-ის აზრით, არ ხდება საკმარისი რაოდენობის კადრების/სპეციალისტების მომზადება, ხოლო 44%-ს მიაჩნია, რომ კადრები მომიჯნავე სექტორებში გაედინება.

კომპანიები აცხადებენ, რომ შესაბამისი უნარების მქონე სპეციალისტების პოვნა უჭირთ. მთავარ მიზეზებად ემიგრაცია და მოუმზადებელი მუშახელი სახელდება. ასე გამოკითხულთა 74% თვლის. 

გამოწვევა განსაკუთრებით შესამჩნევია მრეწველობასა და ვაჭრობის სექტორში. ბიზნესასოციაციის მიერ ჩატარებული კვლევის მიხედვით, მოქალაქეთა უმრავლესობას მაღალი ანაზღაურება სურს, თუმცა ხშირად არ გააჩნიათ მოთხოვნადი უნარები.

ექსპერტების შეფასებით, აღნიშნული ტენდენცია შრომის ბაზრის დასუსტებას და ბიზნესის განვითარების შეფერხებას იწვევს.

"ოცნების" ხელისუფლების ეკონომიკურ პოლიტიკას აკრიტიკებს ოპოზიციონერი პოლიტიკოსი საბა ბუაძე.

"ქართულმა ოცნებამ" ამ ბოლო წლების განმავლობაში ქვეყნიდან გააქცია ყველაზე შრომისუნარიანი და ყველაზე მცოდნე ნაწილი ჩვენი საზოგადოების და შესაბამისად, ხალხის შემცირების ხარჯზე შემცირდა სამსახურის მაძიებელტა რაოდენობა. თუმცა, რეალობა ყველამ ძალიან კარგად იცის და რეალობა არის ის, რომ ჩვენს ქვეყანაში მოსახლეობა ცხოვრობს ძალიან მძიმე ეკონომიკურ და სოციალურ პირობებში, სადაც გვყავს 700 ათასამდე სოციალურად დაუცველი და უამრავი, ათობით და ასობით ათასობით ადამიანი, რომელიც ამ დახმარებას ითხოვს და ვერ ღებულობს, - ამბობს საბა ბუაძე. 

დასაქმებისა და შრომის ბაზრის სტატისტიკასთან დაკავშირებით კითხვები აქვს ოპოზიციის კიდევ ერთ წარმომადგენელს, ირაკლი ფავლენიშვილსაც.  

ადამიანები, ვინც არიან საქართველოში დარჩენილი, ისინი ან არიან ფსევდოდასაქმებულები, შტატებია გაბერილი და ეს ადამიანები უბრალოდ თანხას იღებენ და "ოცნებასთან" არიან დაახლოებულები და ზოგადად, ძალიან ბევრი ადამიანი უცხოეთში წავიდა და ამიტომ ის აღარც ეძებს სამსახურს. ამიტომაც, ეს სტატისტიკური მანიპულაცია არის აბსოლუტურად არადამაჯერებელი საზოგადოების აბსოლუტური უმრავლესობისთვის. ყველამ კარგად იცის, სინამდვილეში დასაქმების მაჩვენებლის ხარისხი გაიზარდა თუ არა ამ ქვეყანაში, - ამბობს ირაკლი ფავლენიშვილი. 

ავტორი: ექსპრესნიუსი,

სოციალური ქსელები

საერთაშორისო გამჭვირვალობა - - ვახო სანაია ისჯება ბიძინა ივანიშვილისა და „ქართული ოცნების“ რეჟიმის მხილების, პრინციპული პოზიციისა და საქართველოს ევროპული მომავლისთვის ბრძოლის გამო

ზურაბიშვილი ვახო სანაიაზე - საქართველო მოსკოვის სცენარს სიტყვასიტყვით იმეორებს

საქართველოს ექსპორტი $6.1 მილიარდამდე გაიზარდა - პირველ ადგილზეა მსუბუქი ავტომობილები

ჟურნალისტ ვახო სანაიას სოციალურ ქსელში დაწერილი პოსტის გამო 30-დღიანი პატიმრობა შეუფარდეს