კომუნიკაციების კომისიის თავმჯდომარემ, კახა ბექაურმა, „ტელეიმედის" ეთერში ComCom-ის ბოლო 10 წლის საქმიანობა შეაჯამა, რომლის ფარგლებშიც, სატელეკომუნიკაციო სექტორის გამოწვევებზე გაამახვილა ყურადღება. მისი თქმით, ტექნოლოგიური პროგრესის მიუხედავად, ტელეკომ ბაზარზე კვლავ არაერთი გამოწვევა რჩება, თუმცა მთავარი სატელეკომუნიკაციო სერვისებზე არსებული მაღალი ფასებია.

კახა ბექაურმა აღნიშნა, რომ კომისია ბოლო წლებია ამ პრობლემის აღმოსაფხვრელად აქტიურად მუშაობს და არაერთ მნიშვნელოვან პროექტს ახორციელებს: „კომპლექსური კვლევის პირველი ეტაპის დასრულების შემდეგ, კომისიამ კომპანია „მაგთიკომი" მნიშვნელოვანი ძალაუფლების მქონე ოპერატორად ცნო და ფიქსირებულ და მობილურ ბაზრებზე რიგი ვალდებულებები დააკისრა." - განაცხადა ComCom-ის თავმჯდომარემ.

კახა ბექაურის თქმით, რეგულაციები მიღებულია, თუმცა გამოწვევები რჩევა, კომისია დაითვლის ფასს, რომლის მიხედვითაც მცირე ოპერატორებს ექნებათ შესაძლებლობა დიდი ოპერატორების ინფრასტრუქტურა გამოიყენონ, რაც საბოლოოდ ხარისხზე და მომხმარებლებზე აისახება.

ComCom-ის თავმჯდომარემ ფიქსირებული ინტერნეტის ბაზარზეც გაამახვილა ყურადღება და აღნიშნა, რომ ამ შემთხვევაში, შემზღუდველი გარემოს გამოსწორების მიზნით, კომისიამ „მაგთიკომს" ქსელის გაზიარების ვალდებულებასთან ერთად, სატარიფო რეგულირების ვალდებულებები განუსაზღვრა. მისივე თქმით, ეს უზრუნველყოფს დაშვების მსურველი კომპანიებისთვის სამართლიან პირობებს ბაზარზე თავის დამკვიდრებისთვის.

კომუნიკაციების კომისიის თავმჯდომარემ გადაცემაში საუბრისას აღნიშნა ისიც, რომ ეს ნაბიჯები საქართველოს კიდევ უფრო მეტად დაახლოებს მთავარ მიზანთან - გახდეს რეგიონული ციფრული ჰაბი: „შავი ზღვის წყალქვეშა კაბელის საშუალებით, საქართველოს აქვს ბუნებრივი უპირატესობა და  შესაძლებლობა გახდეს რეგიონის ციფრული ჰაბი და მოიზიდოს ისეთი ტექნოლოგიური გიგანტები როგორიებიცაა გუგლი, ამაზონი, მეტა, მაიკროსოფტი და სხვები."- განაცხადა კახა ბექაურმა.

ავტორი: ექსპრესნიუსი,

სოციალური ქსელები

„ათასწლეულის ინოვაციის კონკურსის“ 10 ფინალისტი გუნდი გამოვლინდა. ლიბერთი, ბაზისბანკ ჯგუფი უკვე 5 წელია კონკურსის სტრატეგიული პარტნიორია

საერთაშორისო გამჭვირვალობა - - ვახო სანაია ისჯება ბიძინა ივანიშვილისა და „ქართული ოცნების“ რეჟიმის მხილების, პრინციპული პოზიციისა და საქართველოს ევროპული მომავლისთვის ბრძოლის გამო

ზურაბიშვილი ვახო სანაიაზე - საქართველო მოსკოვის სცენარს სიტყვასიტყვით იმეორებს

საქართველოს ექსპორტი $6.1 მილიარდამდე გაიზარდა - პირველ ადგილზეა მსუბუქი ავტომობილები