ჰაკერებმა მოიპარეს 17.5 მილიონი Instagram-ის მომხმარებლის მონაცემები, რომლებიც ამჟამად ბნელ ქსელში იყიდება და შესაძლოა, კიბერდანაშაულებებმა გამოიყენონ. ამის შესახებ კიბერუსაფრთხოების კომპანია Malwarebytes-მა განაცხადა, რომელმაც მონაცემთა ბაზა ჩრდილოვანი ონლაინ პლატფორმების რუტინული მონიტორინგის დროს აღმოაჩინა.

კონფიდენციალური ინფორმაცია 7 იანვარს ჰაკერულ ფორუმ BreachForums-ზე გამოაქვეყნა Solonik-ის ფსევდონიმით მოხმარებელმა. Malwarebytes-ის ცნობით, გაჟონილი მონაცემები მოიცავდა მომხმარებლის სახელებს, ფიზიკურ მისამართებს, ტელეფონის ნომრებს, ელექტრონული ფოსტის მისამართებს და სხვა მონაცემებს. კომპანია მიიჩნევს, რომ გაჟონვა 2024 წელს Instagram API-ის დაუცველობასთან დაკავშირებული ინციდენტის შედეგი იყო.

გაჟონვის შემდეგ, Instagram-ის ბევრმა მომხმარებელმა დაიწყო პაროლის აღდგენის მოთხოვნით ელფოსტის მიღება. Malwarebytes მიიჩნევს, რომ ეს მოთხოვნები შეიძლება ინიცირებული იყოს თავდამსხმელების მიერ, რომლებიც ცდილობენ მათ ანგარიშებზე წვდომას. ექსპერტები აფრთხილებენ, რომ კომპრომეტირებული მონაცემები შეიძლება გამოყენებულ იქნას ფიშინგის შეტევებისა და ანგარიშის ხელში ჩაგდებისთვის.

ამიტომ, კიბერუსაფრთხოების ექსპერტები გვირჩევენ, რომ მომხმარებლებმა SMS-ის ნაცვლად ჩართონ ორფაქტორიანი ავტორიზაცია ავტორიზაციის აპლიკაციის საშუალებით, შეცვალონ პაროლი უნიკალური და რთული პაროლით და უგულებელყონ საეჭვო წვდომის აღდგენის ელფოსტები.

Instagram კვლავ მსოფლიოში ერთ-ერთ უდიდეს სოციალურ პლატფორმად რჩება: სერვისი პოპულარობით მესამე ადგილზეა, დაახლოებით 2 მილიარდი ყოველთვიური აქტიური მომხმარებლით და 500 მილიონზე მეტი ყოველდღიური მომხმარებლით.

ავტორი: ექსპრესნიუსი,

სოციალური ქსელები

საფრანგეთის ქალაქ ლიმოჟში, არეულობის დროს ხანძრის შედეგად, მე-19 საუკუნის მერიის კოშკი ჩამოინგრა

„ლინდსი შოკირებული იქნებოდა“ - რესპუბლიკელები ტრამპს რუსეთისთვის სანქციების შესახებ გადაწყვეტილების გამო აკრიტიკებენ

კობახიძე მედიას ცენზურას აქტიურად აგრძელებს და მედიასაშუალებებს სამართლებრივი დევნით ემუქრება

ქართული ოცნება – ივანიშვილმა შეაჯამა წარსულში გუნდში არსებული კორუფციული გამოწვევები და აღნიშნა, რომ პრემიერის, გუნდისა და ძალოვანი სისტემის ეფექტური მუშაობა