აშშ-ის ჰელსინკის კომისიის წარმომადგენლები - სენატორი როჯერ უიკერი, ჯო უილსონი, შელდონ უაითჰაუსი და სტივ კოენი ერთობლივი განცხადებით ეხმაურებიან BBC-ის მიერ გამოქვეყნებულ საგამოძიებო სიუჟეტს, რომლის თანახმადაც, ქართული ოცნების შსს 2024 წლის აქციებზე დემონსტრანტების წინააღმდეგ პირველი მსოფლიო ომის დროს აკრძალულ ქიმიურ ნივთიერებას იყენებდა. 

ისინი შემაშფოთებელს უწოდებენ ამ ცნობებს და აშშ-ის მთავრობასა და დემოკრატ მოკავშირეებს მოუწოდებენ, გადაამოწმონ ინფორმაცია და შესაბამისი სანქციები დაუწესონ პასუხისმგებელ პირებს.

განცხადებაში ასევე მოწოდებაა კონგრესმენებისადმი, მხარი დაუჭირონ MEGOBARI Act-ს, რათა - "სახელმწიფო დეპარტამენტს მიეცეს დამატებითი ბერკეტები, მხარი დაუჭიროს ქართველი ხალხის ბრძოლას თავისუფლებისთვის". 

"ძალიან შემაშფოთებელია ბოლოდროინდელი დასკვნები, რომ ქართულმა ოცნებამ გასულ წელს მშვიდობიანი მომიტინგეების წინააღმდეგ ქიმიური იარაღი გამოიყენა. ამ ქიმიურმა თავდასხმებმა დაზარალებულებში დამწვრობები და ხანგრძლივი ჯანმრთელობის გართულებები გამოიწვია და ეს წარმოადგენს ადამიანის უფლებათა დაცვის ვალდებულებების დარღვევას, რისი დაცვაც საქართველოს ხელისუფლებას ევალება. ასეთი სანქციები ქართულ ოცნებას აყენებს ერთ გაერთიანებაში რუსეთისა და ჩინეთის კორუმპირებულ მმართველებთან, რომლებსაც საკუთარი ხალხის ეშინიათ და რომლებიც ძალაუფლების შესანარჩუნებლად არაფერს იშურებენ.

ჩვენ მოვუწოდებთ აშშ-ის მთავრობას და ჩვენს დემოკრატ მოკავშირეებს, გადაამოწმონ ეს ცნობები და დააწესონ შესაბამისი სანქციები პასუხისმგებელ პირებზე. ჩვენ კვლავ მოვუწოდებთ კოლეგებს კონგრესში, მიიღონ MEGOBARI Act, ორპარტიული კანონპროექტი, რომელიც სახელმწიფო დეპარტამენტს მისცემს დამატებით ბერკეტებს, რათა მხარი დაუჭიროს ქართველი ხალხის თავისუფლებისთვის ბრძოლას", - ვკითხულობთ განცხადებაში. 

ავტორი: ექსპრესნიუსი,

სოციალური ქსელები

უკრაინის საელჩო: ქართველ ხალხთან ერთად, პატივს მივაგებთ 9 აპრილს დაღუპულებს

ბექა დავითულიანი ქალ აქტივისტს ფიზიკურად გაუსწორდა

ირანის სახელმწიფო მედია: ირანმა ჰორმუზის სრუტე დაკეტა

ლიეტუვის საგარეო: 1989 წლის ტრაგიკულ მოვლენებს ვიხსენებთ, 1991 წლის 9 აპრილს დამოუკიდებლობის აღდგენას აღვნიშნავთ