„საქართველოს ევროპული ორბიტის“ აღმასრულებელი დირექტორი, ნინო ლომჯარია ქართველ სპორტსმენებს მიმართავს და მოუწოდებს, გულშემატკივრის ხმა მხოლოდ ტრიბუნაზე არ მოუსმინონ. მისი განცხადებით, სპორტსმენებმა უნდა დაინახონ ის რეალობაც, სადაც მათი მხარდამჭერები „ნაცემი, უსამართლოდ დაჩაგრული და ციხეში არიან ჩაკეტილები“, რადგან სწორედ ასეთ ერთობას შეუძლია წარმატება მოუტანოს როგორც სპორტს, ისე ქვეყანას.

ლომჯარია კალათბურთელ გიორგი შერმადინის მიერ ირაკლი კობახიძისთვის მადლობის გადახდას ეხმაურება და სპორტულ საზოგადოებას ახსენებს, რა პროცესები მიმდინარეობს ქვეყანაში ბოლო ერთი წლის განმავლობაში.

მისი თქმით, სპორტსმენებმა წარმოიდგინონ, რა მოხდებოდა, სპორტულ ფედერაციებს ევროპულ და საერთაშორისო სტანდარტებთან შეუთავსებელი წესები რომ აემოქმედებინათ - მიკერძოებული მსაჯები, თამაშის დროის შემცირება, უცხოელი მოთამაშეების “უცხო ქვეყნის აგენტებად” გამოცხადება და დიასპორისთვის თამაშებზე დასწრების აკრძალვა.

ლომჯარიას განმარტებით, სწორედ ასე ექცევიან დღეს სახელმწიფოს კრიტიკოსებს.

„ხომ იგრძნობდით იმავე უსამართლობას და ხომ იდგებოდით აქციაზე 365 დღე?. გულშემატკივარი უნდა გიყვარდეთ და გესმოდეთ მათი არა მხოლოდ ტრიბუნაზე, არამედ ციხეშიც, არა მხოლოდ გალაღებული, არამედ ნაცემიც და უსამართლოდ დაჩაგრულიც. ვინაიდან მხოლოდ ასეთ ერთობას შეუძლია მოუტანოს წარმატება სპორტსაც და ქვეყანასაც!“ - აცხადებს ნინო ლომჯარია.

შეგახსენებთ, რომ გუშინდელ მატჩში საქართველოს ნაკრები უკრაინასთან 79:92 დამარცხდა. ეს შეხვედრა გიორგი შერმადინისთვის სანაკრებო კარიერის ბოლო იყო, ხოლო მატჩის შემდეგ ობახიძისადმი მისმა მადლობამ დარბაზის ნაწილის სტვენა და უკმაყოფილება გამოიწვია.

ავტორი: ექსპრესნიუსი,

სოციალური ქსელები

საფრანგეთში არეულობის დროს დაახლოებით 1800 ადამიანი დააკავეს, ხოლო სასწრაფო დახმარების 500-ზე მეტი თანამშრომელი დაშავდა

ალბანეთში პრემიერ-მინისტრის გადადგომის მოთხოვნით საპროტესტო აქციები გრძელდება, პოლიცია კი რეზინის ტყვიებს იყენებს

პაპუაშვილი - რასაც საფრანგეთში ვუყურებთ, გვახსენებს, რომ სხვის ქვეყანაში ქარის დამთესი, საკუთარში ქარიშხალს მოიმკის

პოლონეთმა სამხედრო თვითმფრინავები დასავლეთ უკრაინაზე რუსეთის თავდასხმების ფონზე აფრინდა