ლევან ხაბეიშვილის ადვოკატის, ლაშა ტყეშელაძის თქმით, ხაბეიშვილს სუს-მა მისთვის დაწესებული შეზღუდვები კიდევ 2 თვით გაუხანგრძლივა.

"სუს-მა ლევან ხაბეიშვილს 2 თვით გაუგრძელა ყველა შეზღუდვა, რაც მას დაუწესეს. სასამართლო 9 დეკემბერს უნდა ჩატარდეს, სადაც ლევან ხაბეიშვილის აღკვეთი ღონისძიების შეცვლის საკითხი უნდა განგვეხილა - სუს-ს შეეძლო, აღნიშნული შეზღუდვები მხოლოდ 9 დეკემბრამდე გაეგრძელებინა, მაგრამ სუს-მა უკვე მიიღო გადაწყვეტილება სასამართლოს ნაცვლად, რომ ლევან ხაბეიშვილს აღკვეთი ღონისძიება, პატიმრობა არ შეეცვალოს.

დამოუკიდებელი საქართველოს ისტორიაში ის არის პირველი პოლიტიკოსი, რომელიც პოლიტიკური დაპირების გამო დააკავეს. დააკავეს სიტყვის გამო. ამ შეზღუდვებითაც ჩანს, რომ მათ მისი მართალი სიტყვის ეშინიათ. სუს-ი იყენებს წამების დახვეწილ მეთოდს - მამას არასრულწლოვანი შვილების ნახვისა და მათთან დარეკვის უფლებას ართმევს". - წერს Facebook-ზე ლევან ხაბეიშვილის ადვოკატი.

ივანიშვილის სახელმწიფო უსაფრთხოების სამსახურმა ნაციონალური მოძრაობის პოლიტსაბჭოს თავმჯდომარეს, ლევან ხაბეიშვილს ციხეში პაემნის, მიმოწერისა და სატელეფონო საუბრის უფლება შეუზღუდა.

სუს-მა ლევან ხაბეიშვილი 11 სექტემბერს დააკავა. პროკურატურამ ხაბეიშვილს ორი ბრალდება წარუდგინა - უკანონო ქმედების სანაცვლოდ ქრთამის დაპირება და სახელმწიფო ხელისუფლების დამხობისკენ მოწოდება. ხაბეიშვილს აღკვეთის ღონისძიების სახით პატიმრობა აქვს შეფარდებული.

ავტორი: ექსპრესნიუსი,

სოციალური ქსელები

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times

ევროპის საბჭოს გენერალური მდივანი - ევროპა ოპოზიციის აკრძალვის შესახებ მოსმენების წინ, დააკვირდება ყველა მოქალაქის ფუნდამენტური უფლებებისა და თავისუფლებების დაცვას

დიდი ბრიტანეთი საუდის არაბეთში ჰუსიტების თავდასხმებისგან დასაცავად Typhoon-ის გამანადგურებლებს გაგზავნის