მიუხედავად იმისა, რომ ვლადიმერ პუტინი ცდილობს სირიის ახალ ხელისუფლებასთან სამხედრო ბაზების შენარჩუნებაზე მოლაპარაკებების წარმოებას, ვაშინგტონმა გადაწყვიტა ქვეყანაში ჯარების განლაგება. სირიასა და ისრაელს შორის უსაფრთხოების შეთანხმების ხელშეწყობის მიზნით, შეერთებული შტატები ემზადება კონტინგენტის განლაგებისთვის დამასკოში მდებარე საჰაერო ბაზაზე, განუცხადა „როიტერსს“ სიტუაციაში ჩახედულმა ექვსმა პირმა.

სააგენტოს ცნობით, აშშ-ის გეგმები სირიის დედაქალაქში სამხედრო ყოფნის შესახებ შეიძლება ქვეყნის სტრატეგიული რეორიენტაციის ნიშნად აღიქმებოდეს, რაც თითქმის ერთი წლის წინ ირანისა და რუსეთის მოკავშირე ბაშარ ალ-ასადის ხელისუფლებიდან ჩამოგდების შემდეგ მოხდა. თავის მხრივ, შეერთებულმა შტატებმა მაისში და ივნისში მოხსნა სანქციები სირიის წინააღმდეგ (გარდა ასადთან და მის თანამოაზრეებთან დაკავშირებული სანქციებისა) და ამ კვირაში გაეროს უშიშროების საბჭოს წარუდგინა რეზოლუციის პროექტი, რომლითაც მოხსნიდა სანქციებს მისი პრეზიდენტის, აჰმედ ალ-შარაას წინააღმდეგ, რომელიც მომავალ ორშაბათს თეთრ სახლში დონალდ ტრამპთან შეხვედრას გეგმავს.

დამასკოს ბაზაზე განლაგებული ამერიკული კონტინგენტი სამხრეთ სირიის მახლობლად განთავსდება, რომელიც, სავარაუდოდ, დემილიტარიზებულ ზონად გადაიქცევა ქვეყანასა და ისრაელს შორის დადებული თავდაუსხმელობის შესახებ პაქტის თანახმად. ტრამპის ადმინისტრაცია ამ შეთანხმების შუამავლობას ახორციელებს. „როიტერის“ წყაროებმა, რომლებიც კარგად იცნობენ ბაზის ამერიკელი ჯარისკაცების მისაღებად მზადებას, მათ შორის ორმა დასავლელმა ოფიციალურმა პირმა და სირიის თავდაცვის სამინისტროს წარმომადგენელმა, დაადასტურეს, რომ აშშ გეგმავს ბაზის გამოყენებას შეთანხმების შესრულების მონიტორინგისთვის.

ოქტომბრის შუა რიცხვებში ალ-შარაა მოსკოვში გაფრინდა, სადაც პუტინთან შეხვედრაზე, სხვა საკითხებთან ერთად, მან რუსეთის მხარდაჭერის მოპოვება სცადა სამხრეთ სირიაში დემილიტარიზებული ზონის გაფართოების შესახებ ისრაელის მოთხოვნების შერბილებაში. შესაძლოა, მან ასევე შესთავაზა რუსი ჯარისკაცების განლაგება სირია-ისრაელის საზღვართან.

თუმცა, ბოლო ორი თვის განმავლობაში პენტაგონმა მნიშვნელოვნად გააძლიერა ძალისხმევა დამასკოს ბაზის თავისი ჯარებისთვის მოსამზადებლად, განუცხადა „როიტერსს“ დასავლელმა სამხედრო წარმომადგენელმა. მისი თქმით, ამერიკელებმა უკვე რამდენჯერმე მოინახულეს იგი და დაასკვნეს, რომ ასაფრენი ბილიკი მზადაა დაუყოვნებლივი გამოყენებისთვის. მიმდინარეობს ტექნიკური მოლაპარაკებები ბაზის ლოჯისტიკის, თვალთვალის, საწვავის შევსებისა და ჰუმანიტარული ოპერაციებისთვის გამოყენების შესახებ, ხოლო ის სირიის ხელისუფლების კონტროლის ქვეშ დარჩება, ორი ადგილობრივი სამხედრო ჩინოვნიკის თქმით.

მოსკოვში მოლაპარაკებების დროს განიხილეს რუსული ბაზების შენარჩუნება დასავლეთ სირიაში, ლატაკიასა და ტარტუსში. „ჩვენ პატივს ვცემთ ყველა ხელმოწერილ შეთანხმებას და ვმუშაობთ ჩვენი ურთიერთობების განახლებაზე“, - განაცხადა მაშინ ალ-შარაამ.

მაგრამ საერთო ჯამში, უკრაინის წინააღმდეგ ომის გაგრძელებით, რუსეთი კარგავს გავლენას ახლო აღმოსავლეთში, სადაც ის ცდილობს წარმოაჩინოს თავი, როგორც დასავლეთის ოპოზიციაში მყოფი ძლიერი რეგიონული მოთამაშე, ამბობს ბერლინში მოღვაწე ექსპერტი რუსეთის საგარეო პოლიტიკისა და ახლო აღმოსავლეთის საკითხებში და სტრატეგიული და საერთაშორისო კვლევების ცენტრის მოწვეული უფროსი მკვლევარი ჰანა ნოტე. „როდესაც საქმე რაიმე მნიშვნელოვან პროცესს ეხება, რეგიონის მთავარი მოთამაშეები აღარ უყურებენ მოსკოვისკენ“, - აღნიშნავს ნოტე. „ეს დადასტურდა მისი ღაზას სექტორში მშვიდობიანი მოგვარების შესახებ შეთანხმებაში მონაწილეობის არმიღებით“.

ავტორი: ექსპრესნიუსი,

სოციალური ქსელები

საქართველოს ბანკის პარტნიორმა კომპანია აგროტექნომ ქართულ ბაზარზე ახალი ბრენდი - Weitai შემოიყვანა

ცოფის შემთხვევის დაფიქსირების გამო, წალკაში კარანტინი გამოცხადდა

ბაზისბანკის მხარდაჭერით ფულის გლობალური კვირეულისადმი მიძღვნილი ნახატების კონკურსი "ჩემი რეგიონი - ჩემი ბანკნოტი" დასრულდა

RECSOL-მა Altaris-ის „საუკეთესო მწვანე ინიციატივის“ ჯილდო მიიღო - „თეგეტა ჰოლდინგის“ მხარდაჭერით საქართველოში საბურავების გადამმუშავებელი საწარმო შენდება