საქართველოს ხელისუფლებავ - თქვენ არ მიგყავთ თქვენი ხალხი ევროკავშირისკენ, თქვენ მიგყავთ თქვენი ხალხი ევროკავშირისგან შორს, - ამის შესახებ ევროკომისარმა მარტა კოსმა ბრიფინგზე საქართველოსთან დაკავშირებით „ევროსკოპის“ რედაქტორის თამარ ნუცუბიძის კითხვის საპასუხოდ განაცხადა, აღნიშნული შეფასების შემდეგ, უნდა ველოდოთ თუ არა საქართველოსთან მათ შორის მმართველ პარტიასთან მიმართებით დამატებით ზომებს.

მან ამასთან აღნიშნა, რომ ნოემბერში ვიზის შეჩერების ახალი მექანიზმი ექნებათ, რაც საქართველოსთან მიმართებით შემდგომი ნაბიჯების გადადგმას გახდის შესაძლებელს.

„კონკრეტული ზომები, რა თქმა უნდა, წევრი ქვეყნების ხელშია, მაგრამ იმედი მაქვს, რომ ნოემბერში ჩვენ მივიღებთ ვიზის შეჩერების ახალ მექანიზმს, რაც საშუალებას მოგვცემს, რომ მომავალი ნაბიჯები გადავდგათ. ძალიან მნიშვნელოვანი გზავნილი მაქვს საქართველოს მოსახლეობისთვის - განსაკუთრებით იმიტომ, რომ ხელისუფლება ეუბნება მოქალაქეებს, რომ მათ მიჰყავთ საქართველო ევროკავშირისკენ. საქართველოს ხელისუფლებავ - თქვენ არ მოგყავთ თქვენი ხალხი ევროკავშირისკენ, თქვენ მიგყავთ თქვენი ხალხი ევროკავშირისგან შორს. თუ სერიოზულად უდგებით ევროკავშირის საკითხს, მაშინ მოუსმინეთ თქვენს ხალხს და შეწყვიტეთ ოპოზიციონერი ლიდერების, ჟურნალისტების, ადამიანების, რომლებიც თქვენგან განსხვავებულად ფიქრობენ, ციხეში ჩასმა. ამის შემდეგ შეგვიძლია ვილაპარაკოთ“, - განაცხადა მარტა კოსმა.

ავტორი: ექსპრესნიუსი,

სოციალური ქსელები

ეუთო-ს საპარლამენტო ასამბლეის ვიცე-პრეზიდენტი - შეწყვიტეთ ოპოზიციური პარტიების აკრძალვის მცდელობა და დაუბრუნდით დემოკრატიის გზას

პროკურატურა - თამაზ ელიზბარაშვილმა საპროცესო შეთანხმება მოითხოვა მისი განმარტებით, მისთვის ფიზიკური შეურაცხყოფა არ მიუყენებიათ

პენტაგონი ახლო აღმოსავლეთში განლაგებული ობიექტებიდან ჯარისკაცების ნაწილს გაიყვანს

ევროკავშირის ქვეყნები უკრაინის კონფლიქტის მოგვარებაზე რუსეთთან მომლაპარაკებლის კანდიდატურას განიხილავენ