ივანიშვილის მთავრობის დადგენილებით, სახელმწიფო უსაფრთხოების სამსახურის (სუს) თანამშრომელს, რომელსაც საცხოვრებლად გადაცემული აქვს სახელმწიფო საკუთრებაში არსებული ბინა, სახლი, დამხმარე ნაგებობებით და მიწის ნაკვეთით, სუს-ის შუამდგომლობის საფუძველზე, შესაძლოა საკუთრებაში გადაეცეთ. 

აღნიშნული ცვლილება ივანიშვილის მთავრობამ 2025 წლის 21 ოქტომბრის დადგენილებით "საქართველოს სახელმწიფო უსაფრთხოების სამსახურის მოსამსახურეთა სოციალური დაცვისა და მატერიალური უზრუნველყოფის წესში" შეიტანა. დადგენილებას ხელს ირაკლი კობახიძე აწერს. 

ახალი დადგენილებით წესის მე-9 მუხლი შემდეგნაირად ჩამოყალიბდა:

"სამსახურის უფროსის სამართლებრივი აქტით, მოსამსახურეს შესაძლებელია, საცხოვრებლად გადაეცეს სამსახურის ბალანსზე რიცხული, სახელმწიფო საკუთრებაში არსებული ბინა, სახლი, დამხმარე ნაგებობებითა და მათზე მიმაგრებული მიწის ფართობით. სამსახურის გადაწყვეტილების არსებობის შემთხვევაში, საცხოვრებლად გადაცემული ქონება შესაძლებელია, გადაეცეს მოსამსახურეს საკუთრებაში, სამსახურის შუამდგომლობის საფუძველზე".

აქამდე არსებული რედაქციით მე-9 მუხლი ითვალისწინებდა აღნიშნული ობიექტის სუს-ის უფროსის სამართლებრივი აქცით თანამშრორმლებსთვის სარგებლობაში გადაცემას და არა საკუთრებაში. 

ავტორი: ექსპრესნიუსი,

სოციალური ქსელები

ნატო უკრაინას საშუალებას მისცემს, უფრო სწრაფად და იაფად მიიღოს იარაღი

სტივენ კინგი - დონალდ ტრამპი - ბევრად უფრო საზარელია, ვიდრე ნებისმიერი მონსტრი, ბოროტმოქმედი თუ სულებით სავსე სასტუმრო

ეუთო-ს საპარლამენტო ასამბლეის ვიცე-პრეზიდენტი - შეწყვიტეთ ოპოზიციური პარტიების აკრძალვის მცდელობა და დაუბრუნდით დემოკრატიის გზას

პროკურატურა - თამაზ ელიზბარაშვილმა საპროცესო შეთანხმება მოითხოვა მისი განმარტებით, მისთვის ფიზიკური შეურაცხყოფა არ მიუყენებიათ