საქართველოს თავდაცვის მინისტრის თინა ხიდაშელის შეფასებით, აშშ-ის წარმომადგენლობის პალატაში საქართველოს ტერიტორიული მთლიანობის მხარდამჭერი რეზოლუციის  პროექტის შესვლა ხანგრძლივი  შრომის შედეგია.

მისივე თქმით, რეზოლუციის ტექსტს ალბათ, ბოლომდე მხარდაჭერა ექნება, თუმცა შედეგებს უნდა დაელოდონ, რადგან მინისტრის განმარტებით, ასეთი ტიპის რეზოლუციების ინიცირება ძალიან იშვიათად  ხდება, თუ წინასწარ არ არის შეთანხმებული მხარდაჭერა.

  „ამერიკის  რეზოლუცია ეს არის ხანგრძლივი შრომის შედეგი-დაახლოებით 1 წლის განმავლობაში ამერიკის კონგრესში, სენატში ყველა იმ ადამიანთან, წარმომადგენლებთან  საუბრები, რომლებიც მუშაობენ საქართველოზე აქვს განცდა და მოთხოვნილება, რომ ეს მხარდაჭერის რეჟიმი უნდა იყოს მუდმივად მყარი, ხმამაღლი და იყოს ამერიკის სენატიდან, კაპიტოლიუმიდან გაჟღერებული  მრავალჯერ.  ასევე შეიქმნა კონგრესში საქართველოს მეგობართა ჯგუფი და ამ ჯგუფის პირველი ნაბიჯი ამ ტექსტის ინიცირება იყო. ჩვენ საკმაოდ დიდი ხანი ვმუშაობდით ამაზე. პარლამენტიც, აღმასრულებელი ხელისუფლებაც და თამადად შეიძლება ითქვას, რომ ამ რეზოლუციის ტექსტს არანაირი პრობლემა არ ექნება. თუმცა უნდა დაველოდოთ შედეგებს, რადგან ასეთი ტიპის რეზოლუციების ინიცირება ძალიან იშვიათად ხდება თუ წინასწარ არ არის შეთანხმებული მხარდაჭერა“,-განაცხადა თინა ხიდაშელმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სერგეი კირიენკო: რუსეთი მტკიცედ უჭერს მხარს აფხაზეთის სუვერენულ განვითარებას

ელენე ხოშტარია: „ქართული ოცნების“ იზოლაცია შემდგარი ფაქტია

გრიგოლ ბესელია, მზია ამაღლობელის საქმის მოწმე, შსს-ს თანამშრომელი აღარაა

საპატრიარქომ წმინდა სინოდის სხდომის ოქმი გამოაქვეყნა