აზიის განვითარების ბანკის (ADB) ყოველწლიური ღონისძიების – ვაჭრობისა და მიწოდების ჯაჭვის დაფინანსების პროგრამის ფარგლებში, ბაზისბანკს „მცირე და საშუალო ბიზნესის წლის საუკეთესო გარიგების“ ჯილდო გადაეცა (Best SME Deal of the Year).

აღნიშნული აღიარება ხაზს უსვამს ბაზისბანკის მტკიცე მხარდაჭერას მცირე და საშუალო ბიზნესის განვითარების მიმართ, როგორც საქართველოში, ასევე მის ფარგლებს გარეთ. ბანკი აქტიურად უჭერს მხარს სექტორის წინსვლას ინოვაციური ფინანსური პროდუქტებითა და ვაჭრობის დაფინანსების ხელმისაწვდომობით.

მცირე და საშუალო ბიზნესის წლის საუკეთესო გარიგების ჯილდოს მიღება ადასტურებს ბაზისბანკის ინოვაციურ და პასუხისმგებლიან დაფინანსების სტრატეგიას, რომელიც მიზნად ისახავს ქართული ბიზნესის გაძლიერებას და მათთვის ახალი შესაძლებლობების შექმნას როგორც ადგილობრივ, ისე საერთაშორისო ბაზარზე.

„ჩვენთვის დიდი პატივია ADB-სგან ამ მნიშვნელოვანი ჯილდოს მიღება, რაც ადასტურებს ჩვენს მუდმივ ძალისხმევას, გვერდით დავუდგეთ მცირე და საშუალო ბიზნესს საქართველოში და დავეხმაროთ მათ განვითარებასა და კონკურენტუნარიანობის ზრდაში გლობალურ ბაზრებზე.. განსაკუთრებული მადლობა მინდა გადავუხადო ADB-ს მრავალწლიანი და ნაყოფიერი პარტნიორობისთვის, რომელიც მნიშვნელოვან საყრდენს წარმოადგენს ჩვენი ბიზნესების გაძლიერების მიმართულებით. ღონისძიებაზე მიღებული აღიარება მოტივაციას გვაძლევს, კიდევ მეტად გავზარდოთ ფინანსური ხელმისაწვდომობა და ხელი შევუწყოთ ბიზნესების წარმატებას როგორც ადგილობრივ, ისე საერთაშორისო ასპარეზზე.“ - განაცხადა ბაზისბანკის გენერალურმა დირექტორმა, დავით ცაავამ.

ADB-ს ვაჭრობისა და მიწოდების ჯაჭვის დაფინანსების პროგრამა ყოველწლიურად აჯილდოებს პარტნიორ ბანკებს, რომელთაც ვაჭრობის დაფინანსების კუთხით მნიშვნელოვანი წვლილი შეაქვთ რეგიონული და საერთაშორისო ეკონომიკური განვითარების პროცესში.

ავტორი: R (რეკლამა),

სოციალური ქსელები

ტრამპმა კვლავ გამოთქვა სურვილი შტატ ნიუ-მექსიკოს „ახალი ამერიკა“ დაარქვას

კრემლმა ჩინეთისთვის გაზის ფასდაკლება 56%-მდე გაზარდა

უკრაინამ ვლადიმირში, Yandex-ის ერთ-ერთი უდიდესი მონაცემთა ცენტრის ხუთ შენობაში იერიში მიიტანა

ნატოს ქვეყნები უკრაინაში ჯარების განლაგებასთან დაკავშირებით წვრთნებს ჩაატარებენ