აქციებში მონაწილეობის გამო დაკავებული 11 პირის დღევანდელ პროცესზე ადვოკატებმა დასკვნითი სიტყვები თქვეს.  დღესვე მხოლოდ ერთმა ბრალდებულმა, რეზო კიკნაძემ თქვა საბოლოო სიტყვა. 

 მოსამართლე ნინო გალუსტაშვილმა სხდომა 3 სექტემბერს, 13:00 საათზე გადადო, რა დროსაც მოისმენს დარჩენილი ბრალდებულების საბოლოო სიტყვებს და შესაძლოა, გამოცხადდეს განაჩენიც.

საქმეზე ორგანიზებულ ჯგუფურ ძალადობაში მონაწილეობის ბრალდებით დაკავებულები არიან: ანდრო ჭიჭინაძე, ონისე ცხადაძე, გურამ მირცხულავა, ჯანო არჩაია, ლუკა ჯაბუა, რუსლან სივაკოვი, რევაზ კიკნაძე, გიორგი ტერიშვილი, ვალერი თეთრაშვილი, სერგეი კუხარჩუკი და ირაკლი ქერაშვილი.

აქციებში მონაწილეობის გამო დაკავებული 11 პირის საქმე დასკვნითი სიტყვების ეტაპზეა.

საქმეზე ორგანიზებულ ჯგუფურ ძალადობაში მონაწილეობის ბრალდებით დაკავებულები არიან: ანდრო ჭიჭინაძე, ონისე ცხადაძე, გურამ მირცხულავა, ჯანო არჩაია, ლუკა ჯაბუა, რუსლან სივაკოვი, რევაზ კიკნაძე, გიორგი ტერიშვილი, ვალერი თეთრაშვილი, სერგეი კუხარჩუკი და ირაკლი ქერაშვილი.

29 აგვისტოს სასამართლოს დასკვნითი სიტყვით მიმართა ონისე ცხადაძის ადვოკატმა ლაშა ცუცქირიძემ.

მან საუბარი დაიწყო ონისე ცხადაძის სიტყვებით, რომელიც ცხადაძემ მამის გარდაცვალების შემდეგ პირველ პროცესზე თქვა:

„ონისეს სიტყვები –  ეს, რაც მოხდა, ჩემი პირადი ტრაგედიაა და ადრე თუ გვიან ეს ჩემი და ჩემი ოჯახის სატარებელი იქნება, მეტი არავის. მე არ ვაპირებ, რომ არ გაპატიოთ, ადამიანურად. მე არ მექნება არავის მიმართ ბოღმა, ღვარძლი და მტრობა.

მე უარესსაც ველოდები, ხვალ შეიძლება მე არ ვიყო. ასეთი ბრძოლაა, რა უჭირს, მე რომ ხვალ არ ვიყო და ქვეყანა გადარჩეს, ოღონდ ეგ მოხდეს და მეტი არაფერი მაინტერესებს”, – მისი დაცვის ქვეშ მყოფის ციტირების შემდეგ ის დასძენს:

„აი, ეს ადამიანია დღეს საბრალდებო სკამზე და ამ ადამიანს ემუქრება 4-დან 6 წლამდე თავისუფლების აღკვეთა, რომლისთვისაც სამშობლო და საკუთარი ქვეყანა არის უპირატესი, ვიდრე თავისი თავი”, – ამბობს ცუცქირიძე.

ქალბატონო მოსამართლევ, იყავით ოსკარ შინდლერი და ნუ იქნებით ჰიტლერი... სულ რომ სასამართლოდან გამიშვან, მადლობას მაინც არ ვიტყვი, ჯალათი მადლობას არ იმსახურებს... თქვენ იმდენი ცოდვა დაგიგროვდათ, ჩვენ როგორც არ უნდა მოგვეპყროთ, თქვენი საქმე მაინც წასული იქნება, მაინც ჯოჯოხეთია თქვენი ბოლო, ამ სკამების გავლით, სადაც ვდგავართ , - ამ სიტყვებით მიმართა ბრალდებულმა რევაზ კიკნაძემ მოსამართლე ნინო გალუსტაშვილს.

"ალბათ, ოდესმე გავიგებ, რისთვის მსჯით, მაგრამ რაც არ არის, იმას როგორ გავიგებ. სიკვდილმისჯილებსაც აძლევენ საბოლოო სიტყვის უფლებას.... ცხადია, ტყვეობაში ვარ და ვერ ამოვხსენი, რა მედება ბრალად, ე.წ. მოწმეებს ვუსმინე და კიდევ ერთხელ ვერ მივხვდი, რა არის ჩემი დანაშაული. ამდენი მოწმიდან ერთსაც არ უთქვამს, რეზომ რამე დამიშავაო. აბა, მე საიდან უნდა გავიგო, ჩემგან რა უნდათ.

მე გეტყვით რა არის დანაშაული. დანაშაულია, არ იცნობდე ონისეს, დანაშაულია, არ იცნობდე ანდროს, დანაშაულია, არ იცნობდე, ლუკას, დანაშაულია, არ იცნობდე ვაკოს, დანაშაულია არ იცნობდე ჯანოს, დანაშაულია, არ იცნობდე გიორგის, დანაშაულია, არ იცნობდე რუსლანს, დანაშაულია, არ იცნობდე სერგეის. ერთადერთი დანაშაული, რაც 9 თვის წინ მქონდა, ანუ სანამ დამიჭერდნენ, ეს იყო და ახლა ამისგანაც გავთავისუფლდი.

თქვენ ვერც კი წარმოიდგენთ, რა ხალხი დაიჭირეთ, აი, მაგალითად გია[ტერიშვილი], მისი ძმა 17 წლის ასაკში შეეწირა ქვეყნის თავისუფლების ბრძოლას და ახლა მის გზას ის აგრძელებს, ჩემთვის საამაყოა მის გვერდით დგომა...

აქ არის ჯანო, რომელიც აფხაზეთში რუს ღორებთან იბრძოდა და ახლაც წლების შემდეგ, კვლავ რუსებთან უწევს ბრძოლა.

ყველა გამორჩეულია, თითოეულის ღირსებაზე შემიძლია ვილაპარაკო, მადლობა, რომ ეს ხალხი გამაცანით...

ჯორდანო ბრუნო იმისთვის დაწვეს, რომ დედამიწა მრგვალიაო ამბობდა, რაც წლების შემდეგ ჭეშმარიტებად იქცა. ჩვენც ჭეშმარიტ მხარეზე დგომისთვის გვსჯიან, იმისთვის, რომ მიგვაჩნია, გამოსავალი ევროპისკენ სვლაა. იმაზე ხმის ამოღებისთვის ვისჯებით, რომ ორჯერ ორი ოთხია, ანუ რუსეთი მტერია და ევროპა მეგობარიო, რომ ვთქვით....

ამ 9 თვის განმავლობაში აქ იმდენად დაუჯერებელი და აბსურდული რამეები ხდებოდა, სულ მეგონა კარს შემოაღებდა ბაკურ სვანიძე, ყვავილების თაიგულით შემოვიდოდა და იტყოდა, გაიღიმეთ ფარული კამერააო, ახლაც ასე მეგონა... აქაურობას დავარქვი ანონიმურ მოწმეთა კრება - ერთმანეთს ხელი ჩასჭიდეთ, თვალები დახუჭეთ, მერე გაახილეთ და უთხარით: გამარჯობა მე არსენი ვარ, ცრუ მოწმე...

როცა მედავებით ჯგუფურობას, როცა ბრალად მდებს რომ ვინმემ დამაორგანიზა, ვიდეოში უნდა მაჩვენეთ რომელიმე წევრთან თუ მაქვს კონტაქტი, კავშირი. ერთი მოწმე მაინც თუ იტყოდა, რეზო და ონისე რუსთაველზე დავინახე, საუბრობდნენო?.

იგივე წარმატებით კაცის მკვლელობაზეც შეგიძლიათ გაგვასამართლოთ.

აბა მოაშორეთ ჯგუფურობა ჩვენს ბრალს, რა რჩება? არაფერი.

გარდა იმისა, რომ ერთმანეთს არ ვიცნობთ, არ ემთხვევა ადგილი, დრო, ზოგი პარლამენტის წინ დგას, ზოგი უკან, ერთ ინდივიდზე თავდასხმა არ მომხდარა, ჩვენს მიერ არავინ დაზიანებულა.

რაც მეტად ცდილობთ არარსებული ჯგუფურობა დაამტკიცოთ, მით მეტად შედიხართ ჩიხში. რომელ პოლიციელს დავესხი თავს და ვინ დავაზარალე? უი, ასეთი არ არსებობს.

ჩემი ჰაერში ნასროლი არავის მოხვედრია, მე კი მომხვდა, დაისაჯა ვინმე? იმათ[პოლიციელებს] მწვანე აქვთ ანთებული ძალადობაზე და ჩვენ წითელი თავის დაცვაზე? ვინც ამოიცნეს, ისინი დაგვიჭირეს...

სანამ დროა, გამოფხიზლდით, ნუ ფიქრობთ, რომ თქვენ არ გეხებათ, რაც აქ ხდება. ნუ ფიქრობთ, რომ სირაქლემას პოზიცია გადაგარჩენთ და თქვენს გასაკეთებელს სხვა გააკეთებს",- განაცხადა კიკნაძემ.

ონისე ცხადაძემ მოუწოდა მოსამართლეს, გადაწყვეტილების მიღებამდე აღნიშნულის შესახებ იფიქროს.

„ეს, რაც აქ ხდებოდა, მხოლოდ 11 პირს არ ეხება, ეს არის ფაქტი, როცა შეეხნენ ოჯახებს, მათ უკან დგანან კიდევ ადამიანები. მინდა დღეიდან, გადაწყვეტილების მიღებამდე ამაზე იფიქროთ“, - განაცხადა ონისე ცხადაძემ.

ცნობისთვის, პარლამენტთან მიმდინარე საპროტესტო აქციების დროს, ჯგუფურ ძალადობაში მონაწილეობის ბრალდებით 11 პირი დააკავეს.

დაკავებულებს - ანდრო ჭიჭინაძეს, ონისე ცხადაძეს, ჯანო არჩაიას, რუსლან სივაკოვს, ლუკა ჯაბუას, გურამ მირცხულავას, ვალერი თეთრაშვილს, გიორგი ტერიშვილს, ირაკლი ქერაშვილს, რევაზ კიკნაძესა და სერგეი კუხარჩუკს ბრალი საქართველოს სისხლის სამართლის კოდექსის 225-ე მუხლის მეორე ნაწილით წარედგინათ, რაც ჯგუფურ ძალადობაში მონაწილეობას გულისხმობს.

აღნიშნული დანაშაული სასჯელის სახედ და ზომად 4-დან 6 წლამდე თავისუფლების აღკვეთას ითვალისწინებს.

გამოცემა "პუბლიკის" ფოტო

ავტორი: ექსპრესნიუსი,

სოციალური ქსელები

ირანმა გადაწყვიტა, რომ აშშ-სთან ორკვირიანი ცეცხლის შეწყვეტის ფარგლებში ჰორმუზის სრუტეში გადასასვლელად გადასახადი დააწესოს

ტრამპმა ირანთან ომში ორკვირიანი ცეცხლის შეწყვეტა გამოაცხადა. თეირანმა შეერთებულ შტატებზე „დიდი გამარჯვება“ გამოაცხადა.

დიდი ბრიტანეთი ტრამპს აუკრძალავს მისი ბაზების გამოყენებას ირანის ხიდებსა და ელექტროსადგურებზე თავდასხმებისთვის

სახელისუფლებო აქტორებმა პატრიარქის სახელი ოპონენტების დისკრედიტაციისთვის გამოიყენეს