ნიდერლანდების საელჩო საქართველოში აცხადებს, რომ ქვეყანაში „საქართველოს ხელისუფლების ქმედებებით გამოწვეული“ გაუარესებული ვითარების გამო, MATRA-ს საჯარო მოხელეთა მომზადების პროგრამა დროებით შეჩერებულია.

„ეს მართლაც რთული გადაწყვეტილება იყო. ნიდერლანდები ყოველთვის იყო ძლიერი მხარდამჭერი და პარტნიორი საქართველოში კანონის უზენაესობის განმტკიცების საქმეში.

კანონის უზენაესობის MATRA-ს სასწავლო პროგრამამ ბოლო წლების განმავლობაში დაახლოებით 200 ქართველი საჯარო მოხელე და თანამდებობის პირი გადაამზადა, რამაც გააძლიერა მრავალი ქართული სახელმწიფო ინსტიტუტი.

ქართველმა მონაწილეებმა მნიშვნელოვანი წვლილი შეიტანეს ტრენინგების ხარისხსა და მრავალეროვნული MATRA ქსელის განვითარებაში. MATRA-ს კურსდამთავრებულები საქართველოში ჩვენი საელჩოს ქსელის მნიშვნელოვან ნაწილს წარმოადგენენ.

პროგრამის დროებით შეჩერება გამოწვეულია ქვეყანაში სიტუაციის მკვეთრი გაუარესებით, რაც გამოწვეულია საქართველოს ხელისუფლების მიერ განხორციელებული ღრმად შემაშფოთებელი ქმედებებით.

ჩვენ გულწრფელად ვიმედოვნებთ, რომ ქვეყანაში სიტუაცია გაუმჯობესდება და მომავალში კვლავ შევძლებთ ქართველი მონაწილეების მიღებას“, - ნათქვამია დიპლომატიური მისიის განცხადებაში.

ავტორი: ექსპრესნიუსი,

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს