სააკაშვილი: სამხედრო წარმოების გაჩერებაში ალასანიას ვადანაშაულებ და არა ბებიაჩემ მზიას

2015-02-17 23:56:07, 341 ნახვა

პოლიტიკა

საქართველოს ყოფილი პრეზიდენტი მიხეილ სააკაშვილი მიიჩნევს, რომ სამხედრო წარმოება გაჩერებულია და ამაში თავდაცვის ყოფილ მინისტრს ირაკლი ალასანიას ადანაშუალებს.
ამის შესახებ სააკაშვილმა გადაცემა „არჩევანთან“ ექსკლუზიურ ინტერვიუში განაცხადა.
სააკაშვილმა ირაკლი ალასანიას გაერო-ში ელჩად ყოფნის პერიოდიც გაიხსენა.
„ალასანია იყო ჩვენი ელჩი. იქ ერთი ორჯერ განსაკუთრებით ომის ბოლოს მთლად ისე კარგად არ მოიქცა. დაახლოებით, იგივე ინფორმაციები იყო, იგივე რაღაცას ამბობდა, რასაც შემდეგ „ქართული ოცნება“ ომის დაწყებასთან დაკავშირებით სხვადასხვა ხალხთან.ნუ რაც იყო იყო. მერე მოხვდა ამათთან და ადამიანი, ვისაც უნდა ჰქონოდა მართლა დასავლური ფასეულობები და ვითომ ჩვენთან ერთად იყო, აღმოჩნდა სრულიად საწინააღდმეგო ბანაკში და ბოლომდე მთელი მგზნებარებით აკეთა ის, რასაც ისინი აკეთებდნენ.
მართალი გითხრათ, მისი შეხედულებები ჩემთვის სულ ერთია, მაგრამ მწყინს სამხედრო წარმოება, რომელიც ჩემს შვილობილად მიმაჩნდა, ყოველ თვეს უშვებდნენ ლაზიკს, დიდგორს, სარაკეტო ტექნოლოგიებს, ყველაფერი ერთდროულად გაჩერდა, ირაკლი ალასანიას ვადანაშაულებ აბა ბებიაჩემი მზია სამხედრო წარმოებას არც იმ დროს და არც მანამდე არ ხელმძღვანელობდა. ასე რომ, ყველამ რაღაცაზე უნდა აგოს პასუხი“,-განაცხადა მიხეილ სააკაშვილმა.