მმართველი არალეგიტიმური რეჟიმის რუსული პროპაგანდა, რაც ომის თემით მოქალაქეების დაშინებას შეეხება, ვფიქრობ, რომ დღეს კრახის წინაშე დგას, - ასე შეაფასა „ლელო - ძლიერი საქართველოს“ ერთ-ერთმა ლიდერმა სალომე სამადაშვილმა „ქართული ოცნების" მიერ სოციალურ ქსელში გამოქვეყნებული ვიდეორგოლი, რომელიც ომსა და მშვიდობას შეეხება. სამადაშვილის თქმით, „კორუმპირებული რეჟიმი ხალხის მოტყუებას ცდილობს“.

„ყველამ ერთად ვიხილეთ დასავლეთის თანამონაწილეობით, როგორ შედგა რეალური მშვიდობა ჩვენს მეზობელ სახელმწიფოებს, სომხეთსა და აზერბაიჯანს შორის, როგორ შეიქმნა ახალი შესაძლებლობები ამ ქვეყნების დასავლეთთან დაახლოებისთვის იმ ფონზე, როდესაც მშვიდობის უზრუნველყოფაც სწორედ დასავლურმა მხარდაჭერამ და ჩართულობამ უზრუნველყო ამ რეგიონში. ამ ფონზე, ეს ომით დაშინების პროპაგანდა არის, განსაკუთრებით მაშინ, როდესაც კახა კალაძე საკუთარ წინასაარჩევნო კამპანიაში იმ ადგილების სურათებს იყენებს თბილისში, სადაც ტრაგიკულად დაიღუპა პატარა ბავშვი, რადგან უსაფრთხოების არცერთი ნორმა არ არის დაცული კორუფციის ფონზე, რომელიც ყვავის დღეს თბილისში და ზოგადად, საქართველოში.

ვფიქრობ, საქართველოს მოქალაქეებს ძალიან კარგად უნდა ესმოდეთ, რომ დღეს მათ მოტყუებას ცდილობს კორუმპირებული რეჟიმი ერთადერთო მიზეზით, რომ გააგრძელოს ხალხის ძარცვა, საკუთარი სიმდიდრის გაზრდა და ამის ხარჯზე, უზრუნველყოს საკუთარი ოჯახების ხანგრძლივი კეთილდღეობა ქართველი ხალხის კეთილდღეობის ხარჯზე",-განაცხადა სამადაშვილმა.

გარდა ამისა, მან 4 ოქტომბერს დაგეგმილ არჩევნებზეც ისაუბრა და განმარტა, რომ უახლოეს მომავალში მერობის კანდიდატს წარადგენენ.

„მიმდინარეობს შესაბამისი კონსულტაციები და როდესაც მზად ვიქნებით, საზოგადოებას აუცილებლად გავაცნობთ ჩვენი კანდიდატების ვინაობას“, - განაცხადა სამადაშვილმა.

ავტორი: ექსპრესნიუსი,

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს