უკრაინის პრეზიდენტმა ვოლოდიმირ ზელენსკიმ ოთხშაბათს გვიან ღამით მიმართვაში განაცხადა, რომ რუსეთი, როგორც ჩანს, უფრო მზადაა ცეცხლის შეწყვეტაზე დათანხმებისთვის მას შემდეგ, რაც აშშ-ის სპეციალური წარმომადგენელი სტივ ვიტკოფი მოსკოვს ესტუმრა. „ზეწოლა მათზე მუშაობს. მაგრამ მთავარი ის არის, რომ ისინი დეტალებში არ გვატყუებენ - არც ჩვენ და არც შეერთებულ შტატებს“, - თქვა მან.

კომენტარები გაკეთდა ზელენსკის აშშ-ის პრეზიდენტ დონალდ ტრამპთან ტელეფონით საუბრის შემდეგ, რომელშიც მან კიდევ ერთხელ დაადასტურა უკრაინის ერთგულება რუსეთთან სამართლიანი მშვიდობის მიმართ.

„უკრაინა აუცილებლად დაიცავს თავის დამოუკიდებლობას. ყველას გვჭირდება მდგრადი და საიმედო მშვიდობა. რუსეთმა უნდა დაასრულოს ომი, რომელიც მან დაიწყო“, - განაცხადა ზელენსკიმ და დასძინა, რომ საუბარში ევროპელი ლიდერებიც ჩაერთნენ, თუმცა არ დაუკონკრეტებია, თუ რომელი.

„ნიუ-იორკ თაიმსი“, გეგმებთან დაკავშირებულ ორ წყაროზე დაყრდნობით, იტყობინება, რომ ტრამპი მომავალ კვირას პუტინთან პირადად შეხვედრას გეგმავს, რასაც მოჰყვება სამმხრივი მოლაპარაკებები პუტინისა და უკრაინის პრეზიდენტის, ვოლოდიმირ ზელენსკის მონაწილეობით. მან თავისი განზრახვები ოთხშაბათს ევროპელ ლიდერებთან ტელეფონით საუბრისას გააჟღერა. გამოცემის ცნობით, ეს შეხვედრები ევროპელი წარმომადგენლების მონაწილეობის გარეშე გაიმართება. არ არსებობს ინფორმაცია პუტინის ან ზელენსკის თანხმობის შესახებ ტრამპის მიერ შემოთავაზებულ ფორმატზე.

გერმანული გამოცემა Bild, წყაროებზე დაყრდნობით, იუწყება, რომ ამერიკის პრეზიდენტმა დაურეკა გერმანიის კანცლერ ფრიდრიხ მერცს და თქვა, რომ პუტინსა და ვიტკოფს შორის შეხვედრა „მოსალოდნელზე უფრო პროდუქტიული“ იყო.

ვიტკოფისა და პუტინის მოსკოვში გამართული მოლაპარაკებების კომენტირებისას, თავად ტრამპმა თავის სოციალურ ქსელ Truth-ში შეხვედრას „ძალიან პროდუქტიული“ უწოდა და თქვა, რომ „დიდი პროგრესი“ იქნა მიღწეული, დეტალების გარეშე. „ყველა თანხმდება, რომ ეს ომი უნდა დასრულდეს და ჩვენ ამაზე უახლოეს დღეებსა და კვირებში ვიმუშავებთ. გმადლობთ ამ საკითხისადმი თქვენი ყურადღებისთვის!“ - წერს ის.

ავტორი: ექსპრესნიუსი,

სოციალური ქსელები

კინოპროდიუსერი და კინოთეატრების ქსელ კავეას ხელმძღვანელი ოთარ ბუბაშვილი გარდაიცვალა

მარინ ლეპენი დემოკრატიის საფრთხის შესახებ აფრთხილებს და მაკრონის მთავრობას აკრიტიკებს

ფასების ზრდის წინააღმდეგ საპროტესტო აქციები: მილანში 50 ადამიანი დააკავეს, შეტაკებები ტურინსა და ბოლონიაშიც

თურქ მომღერალ ილიას იალჩინტაშს ნარკოტიკებთან დაკავშირებულ საქმეში მინიმუმ 10 წლით თავისუფლების აღკვეთა ემუქრება