„სანამ გადაწყვეტილების მიღების პროცედურაზე არ შევთანხმდებით, მუდმივად ამ სიგიჟეში ვიქნებით“, - განაცხადა პარტია „სტრატეგია აღმაშენებლის“ ლიდერმა, გიორგი ვაშაძემ.

მისი თქმით, საჭიროა ქმედებების ერთიანი სისტემა.

„4 ოქტომბრის გარშემო ატეხილი აჟიოტაჟი აჩვენებს, რომ სანამ გადაწყვეტილების მიღების პროცედურაზე არ შევთანხმდებით, ამ ქაოსში ვიქნებით. ჩვენი 8-პუნქტიანი გეგმა ზუსტად ამას ამბობს - ერთიანობის შესანარჩუნებლად აუცილებელია გადაწყვეტილების მიღების მექანიზმზე შეთანხმება. ერთი საერთო მიზანი საკმარისი არ არის, საჭიროა მოქმედებების ერთიანი სისტემა - ზუსტად ამას წარმოადგენს ჩვენი 8-პუნქტიანი გამარჯვების გეგმა.

ჩვენ უნდა ვუპასუხოთ მთავარ კითხვას: როგორ მივაღწიოთ კომპრომისს, როდესაც განსხვავებული პოზიციებია? მიდგომა „თუ არ მეთანხმები, მაშინ მტერი ხარ“ არასწორია. რვა პუნქტი გვთავაზობს გადაწყვეტილების მიღების ორ მექანიზმს: პარიტეტულ საბჭოს უმრავლესობით და შემდეგ ეტაპზე, ზურას მიერ ინიცირებულ პლატფორმას, სადაც გადაწყვეტილებები მიიღება ხალხის პირდაპირი მონაწილეობით. ეთანხმებით თუ არა ამ მიდგომას, გთხოვთ, გამოხატოთ თქვენი პოზიცია, მე მზად ვარ მოვისმინო ყველას აზრი. ძალა ერთობაშია და არა განხეთქილებაში“, - განაცხადა გიორგი ვაშაძემ.

ავტორი: ექსპრესნიუსი,

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს