ივანიშვილის რეჟიმმა ყველაფერი გააკეთა იმისთვის, რათა საფრთხის წინაშე დამდგარიყო ევროკავშირთან უვიზო მიმოსვლის უნიკალური შესაძლებლობა. -ამის შესახებ "ლელოს" ერთ-ერთმა ლიდერმა გიორგი სიორიძემ პრესკონფერენციაზე განაცხადა.

უვიზო მიმოსვლის ფორმატი არის არა უფლება, არამედ პრივილეგია, რომელსაც სახელმწიფოები იღებენ ხოლმე კონკრეტული მოთხოვნების შესრულების  შემდეგ, როგორიც არის ადამიანის უფლებათა პატივისცემა, დემოკრატიული სტანდარტის არსებობა და სხვა ევროპული ღირებულებები.

უვიზო მიმოსვლით ვერ სარგებლობენ რუსეთისა და ბელარუსის პოლიტიკური სისტემების მსგავსი ქვეყნები როგორადაც ივანიშვილმა საქართველო  გადააქცია. 

მაშინ, როცა ჩვენი მეზობელი სომხეთი სულ მალე მიიღებს უვიზო მიმოსვლას, საქართველომ შეიძლება ეს შესაძლებლობა დაკარგოს. ევროკავშირთან გაუქმებული ფორმატები კი, სამწუხაროდ, მეტ სიღარიბეს, უმუშევრობას ნიშნავს, იმას, რომ ათასობით ჩვენმა თანამოქალაქემ შეიძლება დაკარგოს შესაძლებლობა ევროპაში სასწავლებლად, სამუშაოდ, სამკურნალოდ სიარულის. გაუქმდება დროებითი დასაქმების პროგრამები და სხვა და ამაზე პასუხისმგებლობა  მხოლოდ და მხოლოდ ივანიშვილის რეჟიმს ეკისრება, რაც ნათლად აისახა მინისტერიალის განცხადებაში.

ევროკავშირის აღმასრულებელი  შტო უკვე მეორედ ძალიან მკაფიოდ აფიქსირებს, რომ "ქართულ ოცნებას" არ შესწევს იმის ძალა და არ აქვს შესაძლებლობა, რომ მოახდინოს ქვეყანაში ვითარების ნორმალიზება და ის ვერ მიიღებს საგარეო ლეგიტიმაციას, სანამ არ გათავისუფლდებიან ქვეყანაში პოლიტპატიმრები და სანამ არ შეიქმნება ახალი საპარლამენტო არჩევნებისათვის კრიტიკულად მნიშვნელოვანი გარემო, სანამ არ გაუქმდება ანტიდემოკრატიული კანონმდებლობა და სანამ არ შეწყდება პოლიტიკური რეპრესიები.

შესაბამისად, მინისტერიალმა კიდევ ერთხელ მკაფიოდ დააფიქსირა, რომ ამაზე პასუხისმგებლობა აქვს მხოლოდ და მხოლოდ "ქართულ ოცნებას" და ამასთანავე ისიც აღინიშნა, რომ ევროკავშირი მტკიცედ უჭერს  მხარს ქართველი ხალხის სამართლიან პროტესტსა და ბრძოლას.- განაცხადა გიორგი სიორიძემ

ავტორი: ექსპრესნიუსი,

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს