საქართველოს მეხუთე პრეზიდენტმა, სალომე ზურაბიშვილმა, ღია წერილით მიმართა ევროკავშირის წევრი ქვეყნების საგარეო საქმეთა მინისტრებს, ამ ორგანიზაციის ვიცე-პრეზიდენტს და ევროკავშირის უმაღლეს წარმომადგენელს საგარეო საქმეთა და უსაფრთხოების პოლიტიკის საკითხებში, კაია კალასს.

წერილში ზურაბიშვილმა აღნიშნა, რომ „საქართველოში არსებული ვითარება შიდაპოლიტიკური კრიზისია, რომელიც გამოწვეულია საპარლამენტო არჩევნების შედეგების გაყალბებით; ევროპა ახალი კრიზისის წინაშე დგას, გამოწვევის წინაშე, რომელიც ეწინააღმდეგება მის დემოკრატიულ შეხედულებებს და ზიანს აყენებს მათ“.

საქართველოს მე-5 პრეზიდენტის თქმით, სიტუაცია უკვე კრიტიკულ ზღვრამდეა მისული და თუ ევროკავშირი ამაზე ნათლად, ერთიანი პოზიციითა და კონკრეტული შედეგებით არ უპასუხებს, ის არა მხოლოდ დაკარგავს საქართველოს, როგორც სტრატეგიულ პარტნიორს, არამედ შექმნის საშიშ პრეცედენტსაც, როდესაც ვერავინ შეეწინააღმდეგება დემოკრატიის უკუსვლას და რუსეთის ჩარევას ევროკავშირის საზღვრებთან.

მან ასევე მოუწოდა ევროკავშირს და მის წევრ სახელმწიფოებს, შეაფასონ საქართველოში არსებული სიტუაცია, ნათლად და უპირობოდ დაუჭირონ მხარი ქართველ ხალხს და გადადგან კოორდინირებული პოლიტიკური ნაბიჯები.

ზურაბიშვილი ასევე აღნიშნავს, რომ სტრატეგიული მოთმინების დრო დასრულდა და ახლა საჭიროა მორალური სიმტკიცე და პოლიტიკური სიცხადე.

მისი თქმით, საქართველოს დემოკრატიული მომავალი, ევროპის საიმედოობა და გეოპოლიტიკური მთლიანობა ბეწვზეა დევს.

ავტორი: ექსპრესნიუსი,

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს