დიდი ბრიტანეთის საგარეო საქმეთა მინისტრმა და სხვა ევროპელმა პარტნიორებმა მოუწოდეს საქართველოს ხელისუფლებას, გაათავისუფლოს უსამართლოდ დაკავებული პოლიტიკოსები, ჟურნალისტები და აქტივისტები, გააუქმოს რეპრესიული კანონმდებლობა და დაიწყოს ეროვნული დიალოგი ყველა შესაბამის მხარესთან, რათა იპოვოს გამოსავალი არსებული სიტუაციიდან, განაცხადა დიდი ბრიტანეთის ელჩმა საქართველოში გარეთ უორდმა ვიდეომიმართვაში.

მისი თქმით, დიდი ბრიტანეთის მთავრობა ჟურნალისტების დაკავებას და კრიტიკოსების მიმართ რეპრესიების ზრდას საქართველოში დემოკრატიის ეროზიის დასტურად მიიჩნევს.

„გაერთიანებული სამეფო ამაყობს, რომ არის მედიის თავისუფლების კოალიციის წევრი, რომელიც გლობალურად იცავს დამოუკიდებელი ჟურნალისტების უფლებებს. კოალიციის ბევრი წევრი განსაკუთრებით შეშფოთებულია საქართველოში მედიის თავისუფლების მდგომარეობის გაუარესებით, მათ შორის ჟურნალისტ მზია ამაღლობელის პოლიტიკურად მოტივირებული სასამართლო პროცესით ხელისუფლების კრიტიკისთვის. დიდი ბრიტანეთის მთავრობა, ისევე როგორც მისი ევროპელი პარტნიორების უმეტესობა, ჟურნალისტების დაკავებას, თვითნებურ დაპატიმრებებს და სხვა კრიტიკოსების მზარდ რეპრესიებს საქართველოში დემოკრატიის ეროზიის დასტურად მიიჩნევს, რაც ევროპულ ნორმებსა და ღირებულებებს ეწინააღმდეგება.“

„შესაბამისად, დიდი ბრიტანეთის საგარეო საქმეთა მინისტრმა და სხვა ევროპელმა პარტნიორებმა მოუწოდეს საქართველოს ხელისუფლებას, გაათავისუფლოს უსამართლოდ დაკავებული პოლიტიკოსები, ჟურნალისტები და აქტივისტები, გააუქმოს რეპრესიული კანონმდებლობა და დაიწყოს ეროვნული დიალოგი ყველა შესაბამის მხარესთან, რათა იპოვოს გამოსავალი ამ სიტუაციიდან“, - განაცხადა გარეთ უორდმა.

ავტორი: ექსპრესნიუსი,

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს