მომავალ კვირას ევროკავშირის საგარეო საქმეთა საბჭო საქართველოში არსებულ ვითარებას განიხილავს, - ამის შესახებ ევროკომისარმა გაფართოების საკითხებში, მარტა კოსმა ევროპარლამენტში საქართველოს შესახებ დებატებზე სიტყვით გამოსვლისას განაცხადა.

"როდესაც საქართველოს უმეტესობას სურს, რომ საქართველო ევროკავშირში გაწევრიანდეს, საქართველოს ხელისუფლება ქვეყანას თავის ევროკავშირის გზას აშორებს. პასუხისმგებლობა მხოლოდ "ქართული ოცნების" მთავრობას აკისრია. 

ევროკავშირის გზაზე დაბრუნება მხოლოდ იმ შემთხვევაში შეიძლება განიხილებოდეს, თუკი სასქართველოს ხელისუფლება დემოკრატიული უკუსვლის შესაბრუნებლად სარწმუნო ნაბიჯებს გადადგამს, რაც გულისხმობს მოქალაქეების წინააღმდეგ ძალადობას შეწყვეტას, ყველა უსამართლოდ დაკავებულს გათავისუფლებას, რეპრესიულ კანონებს შეჩერებასა და სამოქალაქო საზოგადოებასთან და ყველა პოლიტიკურ აქტორთან ერთად შინაარსობრივ დიალოგში ჩართვას, რათა ახლანდელი კრიზისიდან გზა გამოინახოს. 

გაუარესებული სიტუაციის ფონზე კომისია მზადაა, დამატებითი ზომები განიხილოს. წევრ სახელმწიფოებს შორის კოორდინირებული მიდგომა ამ მხრივ აუცილებელი იქნება. “, - განაცხადა მარტა კოსმა.

ევროპარლამენტში წუხელ საქართველოს საკითხზე დებატები გაიმართა, დღეს კი კენჭს უყრიან ანგარიშს საქართველოს შესახებ.

ავტორი: ექსპრესნიუსი,

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს