"აეროფლოტმა" როსტოვის აეროპორტში ყველა რეისი გადადო

2016-03-19 17:10:45, 1121 ნახვა

მსოფლიო

კომპანია "აეროფლოტმა" 19 და 20 მარტს როსტოვის აეროპორტის მიმართულებით ყველა რეისი გადადო, - ამის შესახებ რუსული საინფორმაციო სააგენტოები უწყებიან.

მათი ინფორმაციით, მომხდარი ინციდენტის გამო ქალაქ როსტოვის აეროპორტი ამჟამად დაკეტილია. გაუქმებული რეისები კრასნოდარის აეროპორტიდან განხორციელდება.

შეგახსენებთ, როსტოვში ავიაკატასტროფას 62 ადამიანის სიცოცხლე ემსხვერპლა, მათ შორის 55 მგზავრი, 7 კი, ეკიპაჟის წევრი იყო. თვითმფრინავში 4 მცირეწლოვანიც იმყოფებოდა. ლაინერი 180 ადამიანზეა გათვლილი და ის მხოლოდ მესამედით იყო დატვირთული.

წინასწარი ინფორმაციით, ავიაკატასტროფა პილოტის შეცდომისა და თვითმფრინავის გაუმართაობის გამო მოხდა. საქმე უსაფრთხოების წესები დარღვევის მუხლით არის აღძრული.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან