"საზღვარგარეთიდან ვუერთდები ელენე ხოშტარიას მიერ რუსთაველის გამზირზე დაწყებულ პროტესტის უკიდურეს ფორმას და მეც ვაცხადებ შიმშილობას!" — ამის შესახებ ბათუმელი მედროშის, თემურ ქათამაძის წერილშია აღნიშნული, რომელსაც გამოცემა "ბათუმელები" ავრცელებს.

შეგახსენებთ, ამ დროისთვის 2 ოპოზიციონერი პოლიტიკოსი — ელენე ხოშტარია და გედევან ფოფხაძე შიმშილობს. მათ მოგვიანებით 4 აქტივისტი შეუერთდა. თემურ ქათამაძე მათ სოლიდარობას უცხადებს და მოქალაქეებს მოუწოდებს ხვალ, 29 ივნისს, 19:00 საათზე პარლამენტთან დაგეგმილ აქციას შეუერთდნენ.

"გულანთებულო მამულიშვილებო, თანამებრძოლებო! საზღვარგარეთიდან ვუერთდები ელენე ხოშტარიას მიერ რუსთაველის გამზირზე დაწყებულ პროტესტის უკიდურეს ფორმას და მეც ვაცხადებ შიმშილობას! ყველა მოშიმშილისადმი გამოვხატავ ჩემს სრულ მხარდაჭერასა და სოლიდარობას! ჩვენი სამშობლოს გადარჩენისთვის ამ რთული ბრძოლის უკვე ბოლო ფაზაში შესული ვართ.

ჩვენი ძალა ახლა თუ ვერ ვაჩვენეთ, შესაძლებელია ხვალ და ზეგ, ამის შესაძლებლობა აღარ გვქონდეს! ამიტომაც დღეს თქვენთან ერთადერთი თხოვნა მაქვს: ხვალ ჩვენი ყოველდღიური საყოფაცხოვრებო საქმეები გადავდოთ და ყველამ გავიდეთ რუსთაველზე.

29 ივნისს ერთხელ კიდევ და საბოლოოდ ვაჩვენოთ ივანიშვილის რუსულ რეჟიმს და მსოფლიოს ის, რომ ჩვენ საქართველოსა და თავისუფლებისთვის ყველაფერს გავრისკავთ, ჩვენ ამ ისტორიულ ბრძოლაში, სადაც არ უნდა ვიყოთ: ციხეში თუ ქუჩაში, ქალაქში თუ სოფელში, ქვეყანაში თუ საზღვარგარეთ, ახალგაზრდა თუ მოხუცი, შეძლებისდაგვარად ჩვენს ბრძოლას გავაგრძელებთ ბოლომდე და გამარჯვებამდე, მშვიდობიანი პროტესტის ყველა ფორმით და საჭირო დროს ქუჩაში გასვლითა თუ შიმშილობით! ძალა ჩვენშია!

ახლა ზუსტად ის დროა, როდესაც ყველა ერთად უნდა გავიდეთ ქუჩაში და დავასრულოთ ეს დიქტატურა — კოშმარი სამუდამოდ!" — წერს თემურ ქათამაძე.

შეგახსენებთ, ქართველი მუჰაჯირების შთამომავალი — თემურ ქათამაძე [გაფფარ ილმაზი] საქართველოდან 11 ივნისს გააძევეს. ის პროევროპული აქციების აქტიური მონაწილეა.

ავტორი: ექსპრესნიუსი,

სოციალური ქსელები

უკრაინამ განაცხადა, რომ Starshield-მა 400 კმ/სთ-ზე მეტი სიჩქარე აღადგინა.

კობახიძე ღია რუსული პარტიების აკრძალვაზე უკრაინაში - პარტიების აკრძალვაზე არავის უთქვამს, რომ დემოკრატიის პრინციპს შეიძლება უკავშირდებოდეს

კობახიძე – საკონსტიტუციო სასამართლოში შეტანილი სარჩელი ეხება ერთი პოლიტიკური პარტიის არაკონსტიტუციურად გამოცხადებას, ამ პარტიას ჰქვია კოლექტიური „ნაცმოძრაობა“

კობახიძე – არავის აქვს უფლება, ჩაერიოს მართლმსაჯულების დამოუკიდებლობაში, რასაც ცდილობენ ბიუროკრატები