"ვლადისლავ სურკოვის,  თუ სხვა  ოფიციალური პირის ვიზიტი  სოხუმში,  სამართლებრივი თვალსაზრისით ვერაფერს ცვლის",-ამის შესახებ პრემიერ-მინისტრის სპეციალურმა წარმომადგენელმა რუსეთთან ურთიერთობის საკითხებში ზურაბ აბაშიძემ რუსეთის პრეზიდენტის თანაშემწის ვლადისლავ სურკოვის განცხადებასთან დაკავშირებით აღნიშნა, რომლის თანახმადაც, რუსეთსა და აფხაზეთს შორის საზღვრები არ უნდა არსებობდეს.

აბაშიძის თქმით, საქართველოსა და აფხაზეთს შორის არანაირ საზღვარს არ აღიარებენ.

"აფხაზეთან და ცხინვალის რეგიონთან დაკავშირებული პრობლემატიკა განიხილება ჟენევის ფორმატში, რომელიც ყველაზე მნიშვნელოვანი ფორმატია ასეთი მწვავე და დელიკატური თემების განსახილველად. ვფიქრობ,  რომ სურკოვის,  თუ სხვა ოფიციალური პირის ვიზიტი სოხუმში ვერაფერს ცვლის  სამართლებრივი თვალსაზრისით. ჩვენ არანაირ საზღვარს არ ვაღიარებთ საქართველოსა და აფხაზეთს შორის, თუ არა ადმინისტრაციულ საზღვარს. საქართველოს საზღვარი საერთაშორისოდ აღიარებულია იქ, სადაც არის. ასეთია ჩვენი მიდგომა. მოსკოვში კარგად იციან. მათ თავიანთი ხედვა აქვთ, ჩვენ ჩვენი ხედვა გვაქვს. ამ ხედვებში სხვაობაა სწორედ ის დრამატული წინააღმდეგობა, რაც ვერ გვაძლევს საშუალებას, რომ მთავარი პრობლემების მოგვარების კუთხით  წინ წავიწიოთ. ამ საკითხის განხილვა მოხდება ჟენევაში",-განაცხადა ზურაბ აბაშიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„დეფიციტის ახალი ტალღა“: რუსეთში ბენზინგასამართი სადგურების 70%-ზე მეტს ბენზინი ამოეწურა

„ყველა, ვისაც შეუძლია, ცდილობს თავისი ფულის გატანოს“ - რუსი მილიარდერები კაპიტალის გადარჩენას ცდილობენ

ღარიბაშვილი: წერილი გამომიგზავნა მამუკა მდინარაძემ

ირაკლი ღარიბაშვილი საპატიმროდან დაპირებულ წერილს ავრცელებს