იუსტიციის მინისტრი თეა წულუკიანი დაუნის სინდრომის მსოფლიო დღისადმი მიძღვნილი კვირეულის ფარგლებში დაგეგმილ ღონისძიებაში მონაწილეობს. 

იუსტიციის სამინისტროს ინფორმაციით, თეა წულუკიანმა სასწავლო ცენტრში თანამედროვე ფოტოგრაფების  მიერ გადაღებული დაუნის სინდრომის მქონე პირთა პორტრეტების გამოფენა დაათვალიერა. გამოფენაზე 26 ფოტოგრაფის ნამუშევრები იყო წარმოდგენილი.

ღონისძიებაზე დაუნის სინდრომის მქონე ბავშვების მიერ დამზადებული ხელნაკეთი ნივთების გამოფენა-გაყიდვაც გაიმართა. ღონისძიებას იუსტიციის მინისტრის გარდა, იუსტიციის სამინისტროს სისტემის თანამშრომლები და მოწვეული სტუმრები ესწრებოდნენ.  

გამოფენის დათვალიერების შემდეგ იუსტიციის მინისტრმა დაუნის სინდრომის მქონე პირების მხარდასაჭერად, „მზის შვილების“ სიმბოლოდ ქცეული ფერადი წინდებით ფოტო გადაიღო.

კვირეულის ფარგლებში, ფოტოგამოფენასთან ერთად, კონფერენციაც გაიმართა, რომელზედაც დაუნის სინდრომის მქონეთა პრობლემებზე იმსჯელეს. კონფერენციას სამთავრობო და სამოქალაქო სექტორის წევრები, საერთაშორისო ორგანიზაციების წარმომადგენლები დაესწრნენ.

დაუნის სინდრომის კვირეული 13-21 მარტს აღინიშნება.  21 მარტი დაუნის სინდრომის მსოფლიო დღედ გაერთიანებული ერების ორგანიზაციის ეგიდით 2011    წლის 10 ნოემბერს  დაწესდა. წლევანდელი საერთაშორისო სლოგანია „ჩემი მეგობრები − ჩემი გარემოცვა“ − ინკლუზიური გარემოს მნიშვნელობა დღევანდელი ბავშვისა და მომავალი ზრდასრულისთვის. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინამ განაცხადა, რომ Starshield-მა 400 კმ/სთ-ზე მეტი სიჩქარე აღადგინა.

კობახიძე ღია რუსული პარტიების აკრძალვაზე უკრაინაში - პარტიების აკრძალვაზე არავის უთქვამს, რომ დემოკრატიის პრინციპს შეიძლება უკავშირდებოდეს

კობახიძე – საკონსტიტუციო სასამართლოში შეტანილი სარჩელი ეხება ერთი პოლიტიკური პარტიის არაკონსტიტუციურად გამოცხადებას, ამ პარტიას ჰქვია კოლექტიური „ნაცმოძრაობა“

კობახიძე – არავის აქვს უფლება, ჩაერიოს მართლმსაჯულების დამოუკიდებლობაში, რასაც ცდილობენ ბიუროკრატები