საქართველოს მთავარი პროკურატურის ინფორმაციით, ალექსი პეტრიაშვილის დაზარალებულად ცნობა უახლოეს მომავალში მოხდება.

უწყების ცნობით, გამოძიებას "თავისუფალი დემოკრატების" გენერალურ მდივანზე თავდასხმასთან დაკავშირებით, შინაგან საქმეთა სამინისტრო ინტენსიურად აწარმოებს და საგამოძიებო მოქმედებები მიმდინარეობს. 

რაც შეეხება კვალიფიკაციას, უწყების ინფორმაციით, საქმე ერთხელ უკვე გადაკვალიფიცირდა 117-ე მუხლის პირველი ნაწილიდან მეხუთე ნაწილზე, ამჟამად კი კვალიფიკაციის შეცვლის არანაირი სამართლებრივი საფუძველი არ არსებობს.

„როგორც საზოგადოებისთვის ცნობილია, შსს აწარმოებს გამოძიებას ალექსანდრე პეტრიაშვილის სხეულის დაზიანებასთან დაკავშირებით, რომელზეც გამოძიება მიმდინარეობს ინტენსიურად. ტარდება სხვადასხვა საგამოძიებო მოქმედებები. უახლოეს მომავალში პეტრიაშვილი ცნობილი იქნება დაზარალებულად. რაც შეეხება კვალიფიკაციას, როგორც საზოგადოებამ იცის, საქმეზე ერთხელ უკვე შეიცვალა კვალიფიკაცია და 117-ე მუხლის პირველი ნაწილიდან გადაკვალიფიცირდა მე-5 ნაწილზე. ამ ეტაპზე კვალიფიკაციის შეცვლის არანაირი სამართლებრივი საფუძველი არ არსებობს, ხოლო იმ შემთხვევაში თუ ასეთი საფუძველი გამოიკვეთება, მიღებული იქნება შესაბამისი ზომები საქმის გადასაკვალიფიცირებლად", - განაცხადეს საგამოძიებო უწყებაში.

შეგახსენებთ, ალექსი პეტრიაშვილის დაზარალებულად ცნობასთან დაკავშირებით, განცხადება დღეს მისმა ადვოკატმა გააკეთა. ლევან სამუშიას განმარტებით, თავდასხმიდან 20 დღის გასვლის მიუხედავად, სტატუსის მინიჭება მისი დაცვის ქვეშ მყოფისთვის არ მომხდარა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროპის საბჭოს გენერალური მდივანი - ევროპა ოპოზიციის აკრძალვის შესახებ მოსმენების წინ, დააკვირდება ყველა მოქალაქის ფუნდამენტური უფლებებისა და თავისუფლებების დაცვას

დიდი ბრიტანეთი საუდის არაბეთში ჰუსიტების თავდასხმებისგან დასაცავად Typhoon-ის გამანადგურებლებს გაგზავნის

პენიტენციური ამტკიცებს რომ დავით ფეიქრიშვილმა მინები ჩაამტვრია და თვითდაზიანება სცადა, პატიმრებს დეზორგანიზაციისკენ მოუწოდებდა

ივანიშვილის წარმომადგენელი კობახიძე ოპოზიციურ პარტიებს ჰიტლერს ადარებს და მათი აკრძალვის აუცილებლობაზე საუბრობს