2025-05-15 14:01:07, 678 ნახვა

---

მარია ზახაროვა - ჩვენი დელეგაცია სტამბოლშია, მოლაპარაკებები დღის მეორე ნახევრამდე გადაიდო

რუსეთსა და უკრაინას შორის დაგეგმილი მოლაპარაკებები დღის მეორე ნახევარში გაიმართება, - ამის შესახებ რუსეთის საგარეო საქმეთა სამინისტროს პრესსპიკერმა, მარია ზახაროვამ განაცხადა.

„ჩვენი დელეგაცია სტამბოლშია, მისი შემადგენლობა კი ცნობილია. თურქული მხარის ინიციატივით, მოლაპარაკებები დღის მეორე ნახევრამდე გადაიდო“, - განაცხადა მარია ზახაროვამ.

ამასთან, კრემლის პრესსპიკერმა, დიმიტრი პესკოვმა კიდევ ერთხელ დაადასტურა, რომ დღეს, სტამბოლში დაგეგმილ მოლაპარაკებებში რუსეთის პრეზიდენტი, ვლადიმერ პუტინი მონაწილეობას არ მიიღებს.

ცნობისთვის, უკრაინის პრეზიდენტი, ვოლოდიმირ ზელენსკი უკვე ანკარაშია, სადაც თურქეთის პრეზიდენტს, რეჯეფ თაიფ ერდოღანს შეხვდება.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი