თბილისის საქალაქო სასამართლოში, თბილისის პოლიციის დეპარტამენტის დეტექტივების მთავარი სამმართველოს უფროსის, მირიან ქავთარაძის შეურაცხყოფის ფაქტზე, თორნიკე სხვიტარიძისა და ანი ქავთარაძის სასამართლო პროცესი 30 მაისისთვის გადაიდო.

დღევანდელ სასამართლო პროცესზე შინაგან საქმეთა სამინისტროს წარმომადგენლებმა 3 პოლიციელი მოწმედ გამოიძახეს, რომელიც მოსამართლის წინაშე გამოკითხეს.

როგორც ადვოკატი, მარიკა არევაძე აცხადებს, მნიშვნელოვანია, რომ სასამართლოში მოწმის სახით თბილისის პოლიციის დეპარტამენტის დეტექტივების, მთავარი სამმართველოს უფროსის, მირიან ქავთარაძის გამოკითხვა მოხდეს, რომ მან თავად განმარტოს, თუ რა იყო მისთვის შეურაცხმყოფელი.

"დღევანდელ სასამართლო პროცესზე 3 მოწმე გამოვკითხეთ, რომლებმაც ურთიერთგამომრიცხავ გარემოებებზე ისაუბრეს, ეს საქმე სავსეა აბსურდით. მნიშვნელოვანია ვიცოდეთ, რომ სამართლიანი სასამართლოს პირობებში ეს საქმე უნდა შეწყდეს და ვნახოთ, რას იზამს სასამართლო. გამოიკვეთა ბევრი გარემოება, რომელიც საჭიროს ხდის, რომ მირიან ქავთარაძე მოვიდეს და გვითხრას რა ეწყინა გვარის განხილვებთან დაკავშირებით.

აღმოჩენა იყო, რომ ბიზნეს მენეჯმენტის კურსის კურსდამთავრებულები, იყვნენ წარმოდგენილები შსს-ს მხრიდან, რომლებიც შსს-ში მუშაობენ. იურიდიული განათლება მნიშვნელოვანია, რომ მოხდეს ნორმის შინაარსის გაგება და შემდგომ სწორი კვალიფიკაციის მიცემა", - განაცხადა მარიკა არევაძემ.

მომავალ სასამართლო სხდომაზე, რომელიც 30 მაისს გაიმართება, კიდევ ერთი მოწმე პოლიციელი დაიკითხება და ასევე მოსამართლე, მირიან ქავთარაძის, როგორც მოწმის გამოკითხვასთან დაკავშირებით დაყენებულ შუამდგომლობას პასუხს გასცემს.

ასევე, დღევანდელ სასამართლო პროცესზე შსს-ს წარმომადგენლებმა, სასამართლოს ახალი მტკიცებულებები წარუდგინეს, რომელიც მათი თქმით, ასახავს ანი ქავთარაძის მიერ, პოლიციელისთვის სიტყვიერი შეურაცხყოფის ფაქტს.

ცნობისთვის, თორნიკე სხვიტარიძე არის მირიან ქავთარაძეზე თავდასხმის ბრალდებით დაკავებული, საბა სხვიტარიძის ძმა.

შინაგან საქმეთა სამინისტრო, თორნიკე სხვიტარიძეს, ასევე ანი ქავთარაძეს მირიან ქავთარაძისთვის შეურაცხყოფის მიყენებას ედავება „ადმინისტრაციულ სამართალდარღვევათა კოდექსის“ 173-ე მუხლით.

ავტორი: ექსპრესნიუსი,

სოციალური ქსელები

ევროპის საბჭოს გენერალური მდივანი - ევროპა ოპოზიციის აკრძალვის შესახებ მოსმენების წინ, დააკვირდება ყველა მოქალაქის ფუნდამენტური უფლებებისა და თავისუფლებების დაცვას

დიდი ბრიტანეთი საუდის არაბეთში ჰუსიტების თავდასხმებისგან დასაცავად Typhoon-ის გამანადგურებლებს გაგზავნის

პენიტენციური ამტკიცებს რომ დავით ფეიქრიშვილმა მინები ჩაამტვრია და თვითდაზიანება სცადა, პატიმრებს დეზორგანიზაციისკენ მოუწოდებდა

ივანიშვილის წარმომადგენელი კობახიძე ოპოზიციურ პარტიებს ჰიტლერს ადარებს და მათი აკრძალვის აუცილებლობაზე საუბრობს