შიდაპარტიულ არჩევნებში დონალდ ტრამპმა და ჰილარი კლინტონმა უპირატესობა გაზარდეს

2016-03-16 13:47:12, 887 ნახვა

მსოფლიო

ამერიკელებმა პრეზიდენტობის რჩეული კანდიდატები გამოავლინეს. შიდაპარტიული არჩევნები ამჯერად 5 შტატში ჩატარდა და ლიდერებიც გამოიკვეთა.

"რესპუბლიკელებს" შორის პირველ ადგილზე დონალდ ტრამპია, დემოკრატების“ მხარდამჭერებმა კი ხმა ჰილარი კლინტონის სასარგებლოდ მისცეს. ყოფილმა სახელმწიფო მდივანმა კონკურენტები 5-დან 4 შტატში დაამარცხა.

„რესპუბლიკური პარტიის“ მხარდამჭერებმა პრეზიდენტის რჩეული 5 შტატში გამოავლინეს. გადამწყვეტი ბრძოლა მილიარდერმა დონალდ ტრამპა მოიგო, რომელმაც 3 შტატში, ილინოისში, ჩრდილოეთ კაროლინასა და ფლორიდაში გაიმარჯვა და მხარდამჭერთა რიცხვი 99%-მდე გაზარდა.

"ჩვენს პარტიას გავაერთიანებთ. ნამდვილად ხდება ის რაც „რესპუბლიკურ პარტიას“ უდიდეს პოლიტიკურ მოვლენად აქცევს. ყველა ამას წერს მთელს მსოფლიოში და მინდა ყველას მივულოცო. ეს რთული და საინტერესო პროცესია. ჩვენ ზეწოლას უნდა გავუმკლავდეთ. არაფერია ისეთი ცუდი როგორც ტყუილი. ამაზრზენია, ასეთი ჟურნალისტობა, თუმცა ყველა ჟურნალისტი არ არის ასეთი ცუდი. ჩვენ მაინც წინ მივიწევთ მოგებისკენ", - განაცხადა აშშ-ის პრეზიდენტობის კანდიდატმა დონალდ ტრამპმა.

დაპირისპირება წარმატებული მათ შორის ჰილარი კლინტონისთვისაც აღმოჩნდა. მან გამარჯვება 5-დან 4 შტატში მოიპოვა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან