შინაგან საქმეთა სამინისტროს წარმომადგენლის, მარიამ კერესელიძის განცხადებით, „ნეტგაზეთისა“ და „ბათუმელების“ დამფუძნებლის, მზია ამაღლობელის საქმეზე კიდევ ერთი ადმინისტრაციული წარმოება კანონმდებლობით დადგენილი ვადების დარღვევის გარეშე მოხდა. ამის შესახებ მან ჟურნალისტებს განუცხადა.

„სამართალდარღვევის ოქმი შედგენილია 30 აპრილს, განსაზღვრულ ვადაში, რაც კანონით ადმინისტრაციულ ორგანოს მიენიჭა. კანონმდებლობით დადგენილი ვადები აღნიშნულის შესაძლებლობას იძლევა. როცა დასრულდა ადმინისტრაციული წარმოება, შესაბამისად შედგა ადმინისტრაციული სამართალდარღვევის ოქმი. ვადების დარღვევის გარეშე შედგა შესაბამისი ოქმი.

ახლა მიმდინარეობს ადმინისტრაციულ სამართალდარღვევათა კოდექსის 150-ე მუხლის ფარგლებში ადმინისტრაციულ საქმის წარმოება“,- განაცხადა შსს წარმომადგენელმა მარიამ კერესელიძემ.

ცნობისთვის, შინაგან საქმეთა სამინისტრომ ჟურნალისტ მზია ამაღლობელის წინააღმდეგ კიდევ ერთი ახალი ადმინისტრაციული საქმე დაიწყო.

შსს ამაღლობელს 2025 წლის 11 იანვარს პოლიციის დეპარტამენტის წინ არსებულ დამხმარე ნაგებობაზე სტიკერის გაკვრასა და ამ ქმედებით იერ-სახის დამახინჯებას ედავება.

ავტორი: ექსპრესნიუსი,

სოციალური ქსელები

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times

ევროპის საბჭოს გენერალური მდივანი - ევროპა ოპოზიციის აკრძალვის შესახებ მოსმენების წინ, დააკვირდება ყველა მოქალაქის ფუნდამენტური უფლებებისა და თავისუფლებების დაცვას

დიდი ბრიტანეთი საუდის არაბეთში ჰუსიტების თავდასხმებისგან დასაცავად Typhoon-ის გამანადგურებლებს გაგზავნის

პენიტენციური ამტკიცებს რომ დავით ფეიქრიშვილმა მინები ჩაამტვრია და თვითდაზიანება სცადა, პატიმრებს დეზორგანიზაციისკენ მოუწოდებდა