FBI-ს ჩართვის გარეშე საქმის გახსნა შეუძლებელია, - აცხადებს პირადი ცხოვრების ამსახველი კადრების გავრცელებასთან დაკავშირებით, დაკავებული ზურაბ ჯამალაშვილის შვილი ვასილ ჯამალაშვილი.

როგორც მან „ექსპრესნიუსთან“ საუბრისას განაცხადა, Youtube-ს სერვერები საქართველოში არ დგას, შესაბამისად ქართული სპეცსამსახურები FBI-ს გარეშე ამის გარკვევას ვერ მოახერხებენ.

„ამას სჭირდება ის, რომ ქართული მხარე დაუკავშირდეს ამერიკულ მხარეს. ბიუროკრატიული საკითხებია, რომელიც ამერიკული მხარის გარეშე ვერ მოხდება.

ეს  მხოლოდ FBI-ს შეუძლია. რომელი ქვეყნიდანაც არ უნდა იყოს ვიდეოები ატვირთული, ყველა შემთხვევაში, FBI-ს ჩართვაა საჭირო, რადგან Youtube არის ამერიკაში, GOOGLE-ს მფლობელობაში. რაც შეეხება სერვერებს, მე როგორც ვიცი, ბევრ ქვეყანაში უდგას, თუმცა არა  - საქართველოში. მე არ მაქვს ინფორმაცია, საქართველოდან არის ატვირთული თუ არა ეს ვიდეოები. ქართულ მხარეს ინფორმაციის მოპოვების არანაირი ბერკეტი არ აქვს“, - განაცხადა ვასილ ჯამალაშვილმა.

შეგახსენებთ, დღეს დილით მთავარმა პროკურატურამ ფარულ ჩანაწერებთან დაკავშირებით ორი პირი დააკავა. დაკავებულები კუდ-ის ერთ-ერთი დეპარტამენტის ყოფილი უფროსი ზურაბ ჯამალაშვილი და ადვოკატი ირაკლი ფხაკაძე არიან. როგორც უწყებაში განმარტეს აღნიშნული პირები, ვიდეომასალის გავრცელებისთვის არიან დაკავებულები და არა ინტერნეტში მასალის ატვირთვისთვის

ცნობისთვის, ვასილ ჯამალაშვილი 2012 წელს კიბერდანაშაულთან დაკავშირებით იყო დაკავებული, მაშინ ის 3000 ლარიანი გირაოს სანაცვლოდ გაათავისუფლეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პარლამენტი ჟურნალისტებისთვის აკრედიტაციის წესებს ამკაცრებს - შესაძლოა აკრედიტაცია 1 წლით შეუჩერდეს მედიასაც

თავისუფლების მოედანი - შედეგებმა დაადასტურა სომხეთის ერთგულება ევროპული მომავლის მიმართ

ღობის საქმეზე დაკავებულ კიდევ 6 პირს საპროცესო შეთანხმება უფორმდება

მაკრონმა ფაშინიანს მიულოცა: მოხარული ვარ, რომ თქვენთან მუშაობას გავაგრძელებ