თბილისის ანჩისხატის ტაძრის მგალობელ-მომღერალთა გუნდის რეგენტმა ზაალ წერეთელმა საქართველოს პარლამენტს საკანონმდებლო წინადადებით მიმართა, რომლის თანახმადაც, საქართველოში დამატებით 9 საეკლესიო დღესასწაული, შესაძლოა უქმე დღედ გამოცხადდეს.

პარლამენტის ბიურომ საკითხი განსახილველად ჯანმრთელობის დაცვისა და სოციალურ საკითხთა კომიტეტს გადასცა.

საკანონმდებლო წინადადებაში ნათქვამია, რომ "ყურადღების მიღმაა დარჩენილი არაერთი უმნიშვნელოვანესი საეკლესიო დღესასწაული" და "ასეთ საზეიმო თარიღებში, თუ ისინი სამუშაო დღეს ემთხვევა, მოქალაქეები სამსახურის გამო ვერ ახერხებენ ეკლესიებში მისვლას და ღვთისმსახურებები უღიმღამოდ, თითქმის ცარიელ ტაძრებში აღესრულება".

"სამოქალაქო დასვენების დღეებში ყველა მორწმუნეს (დასაქმებულს თუ დაუსაქმებელს) შესაძლებლობა ეძლევა დაუბრკოლებლად მივიდეს ეკლესიაში, დაესწროს საზეიმო წირვას და მონაწილეობა მიიღოს ეკლესიის მიერ დადგენილ დღესასწაულში.

თუმცა, ყურადღების მიღმაა დარჩენილი არაერთი უმნიშვნელოვანესი საეკლესიო დღესასწაული. შვიდი მათგანი განეკუთვნება თორმეტი საუფლო დღესასწაულის კატეგორიას, ხოლო ორი - მოციქულთა სწორის და დიდი წმინდანის ხსენების დღეა". - ნათქვამია წინადადებაში.

წერეთლის წინადადებით, შესაძლოა, უქმე დღეებად გამოცხადდეს შემდეგი თარიღები:

ღვთისმშობლის შობა - 21 სექტემბერი;

ჯვართამაღლება - 27 სექტემბერი;

ღვთისმშობლის ტაძრად მიყვანა - 4 დეკემბერი;

მირქმა - 15 თებერვალი;

ხარება - 7 აპრილი;

ამაღლება - აღდგომიდან მეორმოცე დღეს;

ფერისცვალება - 19 აგვისტო;

ნინოობა - 27 იანვარი;

ნიკოლოზობა - 19 დეკემბერი.

ავტორი: ექსპრესნიუსი,

სოციალური ქსელები

ევროპის საბჭოს გენერალური მდივანი - ევროპა ოპოზიციის აკრძალვის შესახებ მოსმენების წინ, დააკვირდება ყველა მოქალაქის ფუნდამენტური უფლებებისა და თავისუფლებების დაცვას

დიდი ბრიტანეთი საუდის არაბეთში ჰუსიტების თავდასხმებისგან დასაცავად Typhoon-ის გამანადგურებლებს გაგზავნის

პენიტენციური ამტკიცებს რომ დავით ფეიქრიშვილმა მინები ჩაამტვრია და თვითდაზიანება სცადა, პატიმრებს დეზორგანიზაციისკენ მოუწოდებდა

ივანიშვილის წარმომადგენელი კობახიძე ოპოზიციურ პარტიებს ჰიტლერს ადარებს და მათი აკრძალვის აუცილებლობაზე საუბრობს