აქამდე ვერ გაგვანადგურეს და ვერც გაგვანადგურებენ. რაც შეეხება არჩევნებში მონაწილეობას, რა თქმა უნდა, ამ კადიროვიზაციის, ბელარუსიზაციის პირობებში არ ვაპირებთ არჩევნებში მონაწილეობის მიღებას და არც სხვა რომელიმე ნორმალური პარტია,- ამის შესახებ “ერთიანობა ნაციონალური მოძრაობის” პოლიტიკურმა მდივანმა, გიორგი ბარამიძემ განაცხადა.

აღნიშნულით ის ეხმაურება „ქართული ოცნების“ გადაწყვეტილებას, რომლის თანახმად, ოპოზიციური პარტიების აკრძალვასთან დაკავშირებით საკონსტიტუციო სარჩელის მომზადება თვითმმართველობის არჩევნებამდე არ მოხდება. გიორგი ბარამიძის თქმით, „ნაციონალური მოძრაობის” განადგურება დიდი ხანია გეგმაში აქვთ.

„კარგად მოგეხსენებათ, რომ როდესაც ეს პუტინის მონა, ბორენკა ივანიშვილი მოვიდა ხელისუფლებაში, საჯაროდ თქვა, რომ ამოცანა არის “ნაციონალური მოძრაობის” განადგურება. ის კი არა, რომ თავისი დაპირებები შეუსრულოს ხალხს-სამუშაო ადგილები მისცეს, იაფი ფული, რომელსაც ჰპირდებოდა, ის კეთილდღეობა, რომელიც მხოლოდ მან და მისმა ბანდამ მიიღეს ხალხის ძარცვის ხარჯზე. რას ამბობენ და რას არ ამბობენ, ჩვენთვის მნიშვნელობა არ აქვს. მოგიწოდებთ პრესა იქნებით თუ სხვა დაინტერესებული ადამიანები, ამ სისულელეებს ყურადღებას ნუ მიაქცევთ. ისინი პიარით არიან დაკავებულები.

„ნაციონალური მოძრაობის” განადგურება დიდი ხანია გეგმაში აქვთ, აქამდე ვერ გაგვანადგურეს და ვერც გაგვანადგურებენ. რაც შეეხება არჩევნებში მონაწილეობას, რა თქმა უნდა, ამ „კადიროვიზაციის“, ბელარუსიზაციის პირობებში არ ვაპირებთ არჩევნებში მონაწილეობის მიღებას და არც სხვა რომელიმე ნორმალური პარტია”, - განაცხადა გიორგი ბარამიძემ.

შეგახსენებთ, „ქართული ოცნების“ აღმასრულებელმა მდივანმა, მამუკა მდინარაძემ 14 აპრილს გამოაცხადა „ქართული ოცნების“ გადაწყვეტილება, საგამოძიებო კომისიის საქმიანობის ვადა ერთი თვით გააგრძელონ. შესაბამისად, მისი თქმით, “კოლექტიურ ნაცმოძრაობას", კიდევ ერთხელ ექნება არჩევნებში მონაწილეობის მიღების შესაძლებლობა. ამასთან, „ქართული ოცნებაში“ განმარტეს, რომ ოპოზიციური პარტიების აკრძალვასთან დაკავშირებული სარჩელი თვითმმართველობის არჩევნებში „სახელოვნად გამარჯვების“ შემდეგ მომზადდება. „მზად ვართ, რომ მიმდინარე წლის თვითმმართველობის არჩევნებზე აგენტურულ პარტიებს ჯერ ქართველმა ხალხმა გასცეს საკადრისი პასუხი და სახელოვნად გავიმარჯვოთ, შემდეგ კი ძალიან მყარი და ფაქტებზე დაფუძნებული კონსტიტუციური სარჩელი მოვამზადოთ, რომელიც, თავის მხრივ, საკონსტიტუციო სასამართლოს მხრიდან ობიექტურად უნდა გახდეს “კოლექტიური ნაცმოძრაობის” აკრძალვის საფუძველი წელსვე, თვითმმართველობის არჩევნებიდან ძალიან ახლო პერიოდში”, - განაცხადა მდინარაძემ.

ავტორი: ექსპრესნიუსი,

სოციალური ქსელები

ფეიქრიშვილის საქმე: პროკურატურამ პენიტენციურის უფროსისთვის უფლებამოსილების შეჩერების რეკომენდაცია გასცა

გახარია საქართველოსთვის საპარლამენტო მანდატებზე უარს იტყვის საკონსტიტუციოს მიერ პარტიის აკრძალვის შემთხვევაში

Politico - ევროკავშირი წლის ბოლომდე უკრაინისთვის 45 მილიარდი ევროს ოდენობის სესხის გამოყოფას გეგმავს.

პაპუაშვილი - იმაზე სამჯერ მეტი ადამიანი მონათლა გუშინ პატრიარქმა ზემო აჭარაში, ვიდრე თბილისში აქციაზე ვიხილეთ