კრემლი თავისივე შეიარაღებული ძალების მიერ 13 აპრილს უკრაინულ ქალაქ სუმიზე მიტანილ მომაკვდინებელ სარაკეტო იერიშს გამოეხმაურა. კრემლის პრესსპიკერის, დმიტრი პესკოვის თქმით, რუსეთი მხოლოდ სამხედრო ობიექტებს ბომბავს.

"ჩვენ არმიას იერიშები მხოლოდ სამხედრო სამიზნეებზე მიაქვს". - თქვა პესკოვმა პრესბრიფინგზე 13 აპრილის იერიშისა და აშშ-ს პრეზიდენტის, დონალდ ტრამპის კომენტარის შესახებ, რომ რუსეთმა "შეცდომა დაუშვა". 

ცნობისთვის, 13 აპრილს, ბზობის დღესასწაულზე, რუსებმა Iskander-M-ის ტიპის ბალისტიკური რაკეტებით უკრაინული ქალაქის, სუმის მჭიდროდ დასახლებული ცენტრი დაბომბეს. სარაკეტო იერიშს 34 ადამიანი, მათ შორის ბავშვებიც, ემსხვერპლა, ხოლო დაშავდა 117 ადამიანი. 

აღნიშნულს აშშ-ს პრეზიდენტი დონალდ ტრამპი გამოეხმაურა და თქვა, რომ რუსეთმა "შეცდომა დაუშვა". 

"ვფიქრობ, რომ ეს საშინელი რამ იყო. მითხრეს, რომ შეცდომა დაუშვეს, თუმცა ეს საშინელი რამ არის. ამ ომის დაწყება ძალაუფლების ბოროტად გამოყენებაა". - თქვა ტრამპმა Air Force One-ის ბორტზე ყოფნისას.

ამასთან, რუსების მიერ 4 აპრილს უკრაინის პრეზიდენტ ვოლოდიმირ ზელენსკის მშობლიურ ქალაქ კრივოი როგზე მიტანილ იერიშს კი 20 ადამიანი ემსხვერპლა, მათ შორის, 9 ბავშვი. დაშავდა 75-მდე ადამიანი. 

ავტორი: ექსპრესნიუსი,

სოციალური ქსელები

უკრაინის მთავარმა მომლაპარაკებელმა „უზარმაზარი პროგრესის“ შესახებ განაცხადა და პუტინთან შეთანხმების მიღწევის შესაძლებლობა არ გამორიცხა

რესპუბლიკელებმა დაბლოკეს ირანთან ომთან დაკავშირებით ტრამპის უფლებამოსილების შეზღუდვის მცდელობა

რუსეთის ხელისუფლებამ სტენფორდის უნივერსიტეტი „არასასურველ ორგანიზაციად“ გამოაცხადა

აზერბაიჯანულმა მხარემ ოცნების რეჟიმს სადიგოვის ექსტრადიციის მოთხოვნის „განუხილავად დატოვება“ შესთავაზა.