ჩვენ ვაგრძელებთ ძალისხმევას სამხრეთ კავკასიაში ხანგრძლივი სტაბილურობის უზრუნველყოფისთვის, – ამის შესახებ თურქეთის პრეზიდენტმა, რეჯეფ თაიფ ერდოღანმა ანტალიის დიპლომატიურ ფორუმზე განაცხადა.

თურქეთის პრეზიდენტის თქმით, ანკარა ცდილობს მშვიდობის და სტაბილურობის უზრუნველყოფას აღმოსავლეთ ხმელთაშუაზღვისპირეთში, ეგეოსის ზღვაში და ხელ უწყობს დადებითი ატმოსფეროს შენარჩუნებას მეზობელ საბერძნეთთან.

რეჯეფ თაიფ ერდოღანის თქმით, თურქეთი აქტიურად აკვირდება ბალკანეთზე განვითარებულ მოვლენებს და მჭიდროდ თანამშრომლობს რეგიონის ქვეყნებთან.

თურქეთის პრეზიდენტმა ასევე თქვა, რომ ცენტრალური აზიის ქვეყნები თურქეთის საგარეო პოლიტიკაში თავიანთ ადგილს აძლიერებენ.

რეჯეფ თაიფ ერდოღანმა აღნიშნა, რომ თურქეთი მუშაობს ხანგრძლივი მშვიდობის და სტაბილურობისთვის უშუალო სამეზობლოში, როგორიც არის უკრაინა, სირია, ლიბია და ღაზა.

„სრული გულწრფელობით მინდა, აღვნიშნო, რომ ჩვენ თვალი არ გვიჭირავს ვინმეს მიწაზე, ვინმეს სუვერენიტეტზე ან რესურსებზე. ჩვენ არ გვაინტერესებს, რა არის მიწის ქვეშ. ჩვენ გვაინტერესებს, რა არის მიწის ზემოთ, ჩვენ ადამიანები გვაინტერესებს, ადამიანების სიცოცხლე გვაინტერესებს“, – განაცხადა თურქეთის პრეზიდენტმა.

ავტორი: ექსპრესნიუსი,

სოციალური ქსელები

NASA-ს ასტრონავტები დედამიწაზე 50 წელზე მეტი ხნის შემდეგ მთვარის ზედაპირზე პირველი დაშვების შემდეგ დაბრუნდნენ

უკრაინის მთავარმა მომლაპარაკებელმა „უზარმაზარი პროგრესის“ შესახებ განაცხადა და პუტინთან შეთანხმების მიღწევის შესაძლებლობა არ გამორიცხა

რესპუბლიკელებმა დაბლოკეს ირანთან ომთან დაკავშირებით ტრამპის უფლებამოსილების შეზღუდვის მცდელობა

რუსეთის ხელისუფლებამ სტენფორდის უნივერსიტეტი „არასასურველ ორგანიზაციად“ გამოაცხადა