ეუთო/ოდირს თუ რაიმე პრეტენზია აქვს, შეუძლიათ, ამერიკულ მხარეს მიმართონ. ჩვენ კანონის სრული ანალოგი გადმოვიღეთ, – ამის შესახებ საპარლამენტო უმრავლესობის წევრმა, ლევან მაჭავარიანმა „უცხოეთის აგენტების რეგისტრაციის აქტთან“ დაკავშირებით განაცხადა.

მაჭავარიანის თქმით, „უცხოეთის აგენტების რეგისტრაციის აქტი“ გაცილებით მკაცრია, ვიდრე ადრე მიღებული ქართული კანონი.

„ხაზგასმით ვამბობ, რომ ეს არის გაცილებით მკაცრი, დრაკონული იმასთან შედარებით, რა კანონიც ჩვენ მივიღეთ. ქართული კანონი ექვსგვერდიანი იყო, რომელიც მხოლოდ დეკლარაციას ითხოვდა და ფიზიკურ პირებს არ ითვალისწინებდა, მით უმეტეს, სისხლის სამართლის პასუხისმგებლობას. ეს უფრო მკაცრი კანონია, მაგრამ ამერიკაში თითქმის საუკუნეა, მოქმედებს და არ შეიძლება, ანტიდემოკრატიული კანონი ერთი საუკუნე მოქმედებდეს“, – აღნიშნა ლევან მაჭავარიანმა.

ეუთო-ს დემოკრატიული ინსტიტუტებისა და ადამიანის უფლებების ოფისმა (ODIHR) გუშინ, 2 აპრილს გაავრცელა განცხადება, სადაც აღნიშნულია, რომ ODIHR-ი მოუწოდებს ხელისუფლებას, გადახედოს „უცხოეთის აგენტების რეგისტრაციის აქტის“ განხორციელებას და საკანონმდებლო ბაზის გაუმჯობესებაში დახმარებისთვის მზადყოფნას გამოთქვამს.

ავტორი: ექსპრესნიუსი,

სოციალური ქსელები

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო

აშშ-მ კუბასთან საიდუმლო მოლაპარაკებები გამართა, ბოლო 10 წლის განმავლობაში პირველად

ირანი უარყოფს ტრამპის განცხადებას გამდიდრებული ურანის აშშ-ში გადაცემაზე დათანხმების შესახებ