დიღმის ტყე-პარკში, საგაზაფხულო გამწვანების  ღონისძიებების  ფარგლებში,  600 წიწვოვანი ნერგი დაირგო. 

თბილისის მერმა დავით ნარმანიამ ხე-მცენარეები სრულიად საქართველოს კათოლიკოს-პატრიარქ  ილია მეორესთან, გარემოსა და ბუნებრივი რესურსების დაცვის მინისტრ გიგლა აგულაშვილთან და საკრებულოს თავმჯდომარე გიორგი ალიბეგაშვილთან  ერთად დარგო. 

აქციაში  მონაწილეობდნენ  მერის მოადგილეები, საპატრიარქოს, ფონდ „გაამწვანე საქართველოს“, გარემოსა და ბუნებრივი რესურსების დაცვის სამინისტროს, მერიისა და საკრებულოს სხვა წარმომადგენლები. ასევე კათოლიკოს-პატრიარქის ნათლულები.

მერიის ინფორმაციით, საგაზაფხულო გამწვანების პირველ მასშტაბურ აქციაზე,  დიღმის ტყე-პარკში, 7 000 კვ .მ  ფართობზე 1,50-2,50 მ სიმაღლის 600 კიპარისისა და კედრის  ხე-მცენარე დაირგო.

დავით ნარმანიამ გამწვანების აქციის მონაწილეებს მადლობა გადაუხადა და აღნიშნა, რომ ასეთი ჩართულობა ძალიან მნიშვნელოვანია.  თბილისის მერმა დიღმის ტყე-პარკში ის ხეებიც დაათვალიერა, რომლებიც 2014 წელს, საშემოდგომო გამწვანების ღონისძიების ფარგლებში დაირგო.

„დღეიდან  დედაქალაქში გამწვანების აქტიური ღონისძიებები დაიწყო, რომლის ფარგლებშიც 80 000-ზე მეტი ხე დაირგვება ქალაქის ცენტრალურ ნაწილსა და მის შემოგარენში. ასევე, დავათვალიერეთ დიღმის ტყე-პარკში ის ხეები, რომლებიც  პირველად დაირგო 2014 წლის შემოდგომაზე და ამით დავიწყეთ ქალაქის გამწვანებასთან დაკავშირებით ჩვენი წინასაარჩევნოდ მიცემული  დაპირების შესრულება.  ჩვენ მომავალშიც აქტიურად გავაგრძელებთ საზოგადოების ჩართულობით გამწვანების სამუშაოებს, რათა ერთად ვიზრუნოთ დედაქალაქის გამწვანებაზე და აუცილებელად შევასრულოთ ის,  რაც  თბილისის მოსახლეობას დავპირდით.  აღსანიშნავია, რომ გათვალისწინებულია დარგული ხეების მოვლა-პატრონობა, მათ შორის მორწყვაც.  ამაზე ორი წლის განმვალობაში კონტრაქტორი კომპანიები იზრუნებენ.  ყველანაირ პირობას ვქმნით, რომ ხეებმა მაქსიმალურად გაიხაროს“,- განაცხადა დავით ნარმანიამ.

„საგაზაფხულო რგვები მაისის შუა რიცხვებამდე გაგრძელდება.  გამწვანების სამუშაოები წინასწარ შერჩეულ ტერიტორიებზე, სპეციალისტების რეკომენდაციებით შემუშავებული გეგმის მიხედვით ტარდება.  გაზაფხულზე, ქალაქის მასშტაბით, 80 700 წიწვოვანი და ფოთლოვანი ნერგი დაირგვება. უკვე შერჩეული რამდენიმე ლოკაცია: მახათას მთის მიმდებარედ 15ჰა ფართობი, ოქროყანაში - გამხმარი და დაავადებული ხეებისაგან გამოთავისუფლებული ტერიტორია, დიდი დიღმისა და ქალაქის შიდა, პარკ-სკვერებისა და ცენტრალური ქუჩების  მიმდებარე ტერიტორია. დარგული ხე-მცენარეების მოვლა-პატრონობას  კონტრაქტორი კომპანიები  უზრუნველყოფენ.

2016 წელს თბილისის მასშტაბით დაგეგმილია  180 000 ნერგის დარგვა. 100 000 ხე-მცენარე, შემოდგომაზე, სეზონური რგვების ფარგლებში დაირგვება.

საქართველოს დამსაქმებელთა ასოციაცია, პროექტის "ბიზნესის დიალოგი მთავრობასთან" ფარგლებში, გეგმავს ასოციაციის წევრი და პარტნიორი კომპანიების მორიგ შეხვედრას ქ. თბილისის მერთან, ბატონ დავით ნარმანიასთან.

შეხვედრაზე მერიის მხრიდან გაკეთდება პრეზენტაცია 2015 წლის შედეგებისა და 2016 წელს დაგეგმილი აქტოვიბების შესახებ. შეხვედრის ფორმატიდან გამოდინარე, კომპანიებს საშუალება ექნებათ პირდაპირი დიალოგის/დისკუსიის რეჟიმში დასვან კითხვები მათთვის საინტერესო თემების შესახებ“, - აცხადებენ მერიაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პაპუაშვილმა ზახაროვას განცხადებას უპასუხა: ჩვენ ხალხის ინტერესებიდან გამომდინარე ვმოქმედებთ

კონგრესმენი უილსონი: აშშ-სთვის მნიშვნელოვანია, რომ ანაკლია პეკინის დომინირების ქვეშ არ მოექცეს

პენტაგონი ჰეგსეთის „ლოცვის“ „Pulp Fiction“-დან რომელიც ბიბლიაში არ არსებობს ახსნა შეეცადა

აშშ-მ რუსულ ნავთობზე დაწესებული სანქციები კიდევ ერთი თვით შეამსუბუქა, მიუხედავად იმისა, რომ თქვა სანქციებს არ შეამსუბუქებდა