გერმანია აქციების "დარბევაზე პასუხისმგებელ" ქართველ მაღალჩინოსნებს ქვეყანაში შესვლაზე აკრძალვებს უწესებს

ინფორმაციას გერმანიის საგარეო საქმეთა სამინისტრო X-ზე ავრცელებს. 

"თითქმის 3 თვეა ქართველი ხალხი იბრძვის საკუთარი მომავლისთვის ევროკავშირში და აპროტესტებს ხელისუფლების კურსს. დაშინება, დაკავება და ძალადობა გრძელდება. დღეს გერმანიამ შემოიღო დამატებითი აკრძალვები ქართველი მაღალჩინოსნების ქვეყანაში შესვლასთან დაკავშირებით, რომლებიც დარბევაზე არიან აპასუხისმგებელნი", - ვკითხულობთ განცხადებაში. 

გერმანიამ 31 დეკემბერს დააწესა საზღვარზე შესვლის აკრძალვა ცხრა პირის მიმართ, რომელთაც ეკისრებათ ძირითადი პასუხისმგებლობა საქართველოში აქციის მონაწილეებისა და ოპოზიციის წევრების წინააღმდეგ ძალადობაზე, – ამის შესახებ გერმანიის საგარეო საქმეთა სამინისტროს მიერ სოციალურ ქსელ X-ში გავრცელებულ განცხადებაში იყო ნათქვამი.

მოგვიანებით, 22 იანვარს ფორმულასთვის ანდო წყაროსგან ცნობილი გახდა იმ პირთა ვინაობა, ვის მიმართაც გერმანიის ფედერაციულ რესპუბლიკაში შესვლის აკრძალვა ამოქმედდა. 

 გერმანიის სავიზო შეზღუდვის სანქციის ქვეშ მოხვდნენ:

ვახტანგ გომელაური - შსს-ს მინისტრი;

ვაჟა სირაძე - შსს საპატრულო პოლიციის დეპარტამენტის უფროსი;

ზვიად ხარაზიშვილი - შსს-ის გდდ-ის უფროსი;

მირზა კეზევაძე - გდდ-ს მოადგილე;

თეიმურაზ კუპატაძე - შსს-ს კრიმპოლის უფროსი;

ლაშა ჯოხაძე - შსს-ს საპატრულო პოლიციის მთავარი სამმართველოს უფროსი;

თეიმურაზ კალანდაძე - შსს-ს კახეთის პოლიციის უფროსი;

ლაშა სალუქვაძე - შსს-ს ვაკე-საბურთალოს პოლიციის უფროსი.

დიმიტრი სამხარაძე - პარლამენტის წევრი;

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი