აშშ-ის პრეზიდენტმა დონალდ ტრამპმა კომენტარი გააკეთა რუსეთის ლიდერთან ვლადიმერ პუტინთან მის ზარზე და თქვა, რომ განიხილეს "სამშვიდობო ხელშეკრულების ბევრი ელემენტი".

“დღეს რუსეთის პრეზიდენტთან, პუტინთან სატელეფონო საუბარი ძალიან კარგი და პროდუქტიული იყო. ჩვენ შეთანხმდით, რომ დაუყოვნებლივ შეწყდება ყველა ენერგეტიკულ და ინფრასტრუქტურულ ობიექტებზე დარტყმები.

შევთანხმდით, რომ ჩვენ სწრაფად ვიმუშავებთ ცეცხლის სრულ შეწყვეტაზე და, საბოლოოდ, ამ ძალიან საშინელი ომის დასრულებაზე რუსეთსა  და უკრაინის შორის. 

ომი არ დაიწყებოდა, მე რომ პრეზიდენტი ვყოფილიყავი! მშვიდობის კონტრაქტის მრავალი ელემენტი განვიხილეთ, მათ შორის ის ფაქტი, რომ ათასობით ჯარისკაცის  სიკვდილი  შეჩერდეს ორივე მხარეს. პრეზიდენტ პუტინსაც  და ზელენსკისაც სურს, რომ ეს ომი დასრულდეს. ეს პროცესი ახლა სრულად მუშაობს, და იმედია, კაცობრიობისთვის  ამ საქმეს მოვაგვარებთ!”-განაცხადა ტრამპმა.

აშშ-ის პრეზიდენტი დონალდ ტრამპი პუტინს ტელეფონით ესაუბრა. აღინიშნა, რომ საუბარი ორ საათზე მეტხანს გაგრძელდა.

კრემლის განცხადებაში ნათქვამია, რომ სატელეფონო საუბრისას პუტინმა უკრაინასთან 30-დღიანი ცეცხლის შეწყვეტის შემოღების რამდენიმე პირობა წამოაყენა. კერძოდ, მან მოითხოვა უკრაინაში მობილიზაციის შეწყვეტა და უკრაინის შეიარაღებული ძალების გადაიარაღება.

ავტორი: ექსპრესნიუსი,

სოციალური ქსელები

კინოპროდიუსერი და კინოთეატრების ქსელ კავეას ხელმძღვანელი ოთარ ბუბაშვილი გარდაიცვალა

მარინ ლეპენი დემოკრატიის საფრთხის შესახებ აფრთხილებს და მაკრონის მთავრობას აკრიტიკებს

ფასების ზრდის წინააღმდეგ საპროტესტო აქციები: მილანში 50 ადამიანი დააკავეს, შეტაკებები ტურინსა და ბოლონიაშიც

თურქ მომღერალ ილიას იალჩინტაშს ნარკოტიკებთან დაკავშირებულ საქმეში მინიმუმ 10 წლით თავისუფლების აღკვეთა ემუქრება