პუტინი და ტრამპი აშშ-სა და რუსეთს შორის ურთიერთობების ნორმალიზებისა და უკრაინაში სიტუაციის მოგვარების საკითხს განიხილავენ, - ამის შესახებ კრემლის პრესსპიკერმა, დიმიტრი პესკოვმა ბრიფინგზე განაცხადა.

„მოსკოვსა და ვაშინგტონს შორის გარკვეული დისკუსიები ნამდვილად შედგა. აშშ-ის პრეზიდენტის სპეციალური წარმომადგენელი, სტივ უიტკოფი მოსკოვში იმყოფებოდა, მოლაპარაკებები სტამბოლშიც გაიმართა და ადრე პრეზიდენტებს შორის პირველი სატელეფონო საუბარიც იყო. მაგრამ სხვა უამრავი შეკითხვა არსებობს, მათ შორის, ჩვენი ორმხრივი ურთიერთობების ნორმალიზებისა და უკრაინაში სიტუაციის მოგვარების შესახებ. ეს ყველაფერი პრეზიდენტებმა უნდა განიხილონ“, - განაცხადა პესკოვმა.

მისი თქმით, აშშ-ისა და რუსეთის პრეზიდენტებს, დონალდ ტრამპსა და ვლადიმერ პუტინს შორის სატელეფონო საუბარი მოსკოვის დროით 16:00-დან 18:00 საათამდე დროის შუალედში (თბილისის დროით 17:00-19:00 საათი) გაიმართება.

„ეს ნამდვილად მოსკოვის დროით 16:00-დან 18:00 საათამდე იქნება. ლიდერები იმდენ ხანს ისაუბრებენ, რამდენსაც ისინი საჭიროდ ჩათვლიან“, - აღნიშნა პესკოვმა.

ავტორი: ექსპრესნიუსი,

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს